Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Factor.am-ի հարցազրույցը ՀՔԱՎ գրասենյակի ղեկավար, իրավապաշտպան Արթուր Սաքունցի հետ

– Պարո՛ն Սաքունց, Հայաստանին ու նրա իշխանությանը քննադատող գրառմամբ է հանդես եկել «Russia Today» հեռուստաալիքի գլխավոր խմբագիր Մարգարիտա Սիմոնյանը։ Նրա ղեկավարած լրատվամիջոցը ռուսական իշխանության քարոզչության զենքերից է համարվում։ «Ռուսաստանն ունի բարոյական իրավունք՝ թքել ձեզ վրա և տրորել ձեզ»,- ասել է Մարգարիտա Սիմոնյանը։ Քննադատության մեխը ռուսական շահերը չսպասարկելն է։ Ինչպե՞ս եք մեկնաբանում նման գնահատականները։

– Ճիշտն ասած՝ ես Մարգարիտա Սիմոնյանի որևէ հարցազրույցի շատ մեծ վերապահումով կմոտենայի՝ հաշվի առնելով «Russia Today»-ի՝ որպես լրատվամիջոց գործունեության առանձնահատկություններին, որը դիտարկվել է տարբեր երկրներում՝ իրադարձությունների լուսաբանման առումով, և պետք է համարել, որ «Russia Today»-ը և նրա գլխավոր խմբագիրը հանդես են գալիս որպես պաշտոնական Կրեմլի խոսնակներից մեկը։ Բացարձակապես որևէ առնչություն չունեն երկկողմանի պայմանագրերի տրամաբանության հետ, որոնք գործում են։ Ամբողջ հայ-ռուսական հարաբերությունների խնդիրը կապվեց Ռոբերտ Քոչարյանի նկատմամբ քրեական հետապնդման հետ, և կարծես թե փորձ էր արվում դիտարկել միջպետական հարաբերությունները նախորդ՝ պետության զավթման հատվածում և, ընդհանրապես, «Մարտի 1»-ի ծանր հանցագործության մեջ մեղադրվող անձի նկատմամբ քրեական հետապնդմամբ պայմանավորել միջպետական հարաբերությունները, ինչը աբսուրդ է։

– Պարո՛ն Սաքունց, թեև Մարգարիտա Սիմոնյանը Հայաստանին վարկաբեկող մեկնաբանություններ է կատարում, այդուհանդերձ, նրան հակադարձում չեղավ օրինակ՝ Հայաստանի պրոռուսական ուժերի կողմից՝ ԲՀԿ, Վանեցյանի կուսակցություն և նրանց շրջապատը։ Որևէ մեկը չփորձեց պաշտպանել Հայաստանի արժանապատվությունը այս ստորացուցիչ մեկնաբանություններից։ Ըստ Ձեզ՝ ինչո՞ւ։

– Հայրենիքի անվան ներքո ոչ թե հայրենիքի խնդիր են լուծում, այլ, ինչպես մենք ժամանակին ասել ենք, որ դրանք Կրեմլի ռեժիմի հպատակներն են։ Մյուս դեպքում էլ, նրանց համար ավելի կարևոր է Կրեմլին հաճոյանալը, քան սեփական պետության և նրա քաղաքացիների ու իրավունքների պաշտպանությունը։ Սա այն է, ինչի մասին ասում էինք, և փաստվեց։

– Օրերս, երբ հայ գործարարները Մոսկվայում ծիրանի իրացման խնդրի առաջ կանգնեցին՝ ադրբեջանցիների ձեռքով, Գագիկ Ծառուկյանը հանդես եկավ որպես բիզնեսմեն՝ ասելով, թե պատրաստ է օգնել տարածք տրամադրելուն, բայց չտեսանք քաղաքական գործիչ Գագիկ Ծառուկյանին, որը ոչ մի քաղաքական հայտարարություն չարեց, չդատապարտեց ռուսական իշխանական մարմինների անգործությունը, որևէ բան չարվեց, երբ ոտնահարվում էին գործարարների իրավունքները։

– Այս իրադարձությունների, այսպես կոչված, «ծիրանի պատերազմի» հետ կապված պետք է ասեմ, որ դա էլ նորություն չէ ռուսական իրականության մեջ, որովհետև պետք է հիշեցնեմ ԵՄ-ի կողմից Ռուսաստանի իշխանության ագրեսիվ քաղաքականության հետևանքով կիրառված պատժամիջոցների շրջանակում, թե ինչ դիրքորոշում ցուցաբերեց Կրեմլը, մասնավորապես, երբ արևմտյան արտադրության մթերքները, մրգերը ոչնչացնում էին տրակտորների թրթուրների ներքո։ Այնպես որ՝ ինչպիսի օրինակ ցույց է տալիս իշխանությունը, այնպես էլ ընդօրինակում են նրա վերահսկողության ներքո գործող սուբյեկտները։ Ուշագրավ հանգամանք է այն, որ փաստվեց, որ ՀՀ-ի քաղաքական համակարգում որպես քաղաքական սուբյեկտ հանդես եկողները, որոնք փորձում են բուռն քննադատել այսօրվա իշխանություններին, Կրեմլի մատույցներում դառնում են բիզնեսմեններ, գործարարներ, որոնց բիզնեսը գործում է  Ռուսաստանում և ռուսական հսկողության ներքո է։

Հարցազրույցն ամբողջությամբ՝ տեսանյութում։