Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

«Եթե ուշադրություն դարձնեք ՄԻԵԴ որոշման հիմնավորմանը, ապա ՄԻԵԴ-ը հղում է անում այն փաստի վրա, որ Թուրքիան ներկայացրել է ռազմական գործողությունների դադարի հիմնավորումը: Սա շատ ուշագրավ հանգամանք է: Թուրքիան ընդունում է, որ աջակցել է Ադրբեջանին: Ոչ թե ասում է, թե չի աջակցել, այլ հղում է անում ռազմական գործողությունների դադարի վրա»,-«Հոդված 3» մամուլի ակումբի առցանց քննարկման ժամանակ այսօր ասաց իրավապաշտպան Արթուր Սաքունցը՝ անդրադառնալով այն փաստին, որ Մարդու իրավունքների եվրոպական դատարանը դեկտեմբերի 1-ին որոշում է կայացրել վերացնել «Հայաստանն ընդդեմ Թուրքիայի» գործով վերջինիս դեմ սահմանված միջանկյալ միջոցը՝ կապված Լեռնային Ղարաբաղի պատերազմի ժամանակ Թուրքիայի գործողությունների հետ:

«Իմ համոզմամբ՝ այստեղ շատ լուրջ աշխատանք կա անելու՝  որպես գանգատի հետագա հիմնավորում: Անգամ զարմացել եմ, որ Թուրքիան ոչ թե հերքել է իր մասնակցությունը, այլ նման կերպ է հիմնավորել: Բայց անգամ ռազմական գործողությունների դադարի պայմաններում ՄԻԵԴ-ը չի վերացրել Ադրբեջանի հանդեպ միջանկյալ միջոցը: Այսինքն, պատերազմի ազդեցության գործոնն, այնուամենայնիվ, շարունակվում է:

ՄԻԵԴ-ն էլ պետք է պարզաբանի այս հանգամանքը: Սա շատ լայն դաշտ է ստեղծում մեր կողմից գանգատների ներկայացման եւ Թուրքիային պատասխանատվության կանչելն իրավական դաշտում քննարկման առարկա դարձնելու համար, որովհետեւ Թուրքիան արդեն պետք է շատ չարչարվի իր հիմնավորման հետ կապված եւ լուրջ խնդիրներ ունենա»,-նշեց Արթուր Սաքունցը: Իրավապաշտպանը նաեւ վստահություն հայտնեց, որ ՄԻԵԴ-ում Հայաստանի ու Ադրբեջանի միջեւ տեսանելի մրցակցություն կա, ուստի հայկական կողմի՝ որոշում կայացնող պետությունների հետ քաղաքական-դիվանագիտական աշխատանքը շատ կարեւոր է:

aravot.am