Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Ես չգիտեմ, թե լրագրողի և պարոն Վանեցյանի կողմից անվտանգություն հասկացության տակ ինչ բովանդակություն է դրված։ Ինչ նկատի ուներ անվտանգություն հասկացության տակ հարց տվողը և երբ Վանեցյանը պատասխանում է՝ այո, «Սորոսի» գրասենյակի գործունեությունը վտանգավոր է , նույնը բովանդակությո՞ւնն է հասկացել ու պատասխանը տվել է ըստ այդ բովանդակության, թե՞ Վանեցյանը պատասխանել է՝ ելնելով անվտանգության իր ընկալումներից։

Այս մասին ArmDaly.am-ի հետ զրույցում ասաց Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցն՝ անդրադառնալով ԱԱԾ նախկին ղեկավար Արթուր Վանեցյանի այն դիտարկմանը, թե այո՝ «Սորոսի» գրասենյակի գործունեությունը Հայաստանի Հանրապետության համար վտանգներ պարունակում է: Սաքունցի դիտարկմամբ, խնդիրը կայանում է նրանում, որ կա տոտոլիտար պետության անվտանգություն և ժողովրդավարական երկրի անվտանգություն։ «Ավտորիտար, տոտալատար երկրի համար վտանգավոր է համարվում ազատ խոսքը, մարդու իրավունքների պաշտպանությունը, ժողովրդավարությունը։ Տոտալիտար երկրի անվտանգության ամբողջ կոնսուլտը հիմված է ազատությունների սահմանափակման, այլոց կարծիքների հետապնդման վրա, իսկ ժողովրդավարական երկրներում վտանգ է հանգիսանում մարդու իրավունքների խախտումները, համակամակարգային կոռուպցիան կամ կոռուպցիոն դրսևորումները, անօրինականությունները, խտրականությունը։ Հիտևաբար, ինձ համար հասկանալի չէ, թե իրենք ինչ նկատի ունեն, բայց հաշվի առնելով, որ պարոն Վանեցյանն աշխատել է պետությունը զավթած իշխանության օրոք անվտանգության մարմիններում և նշանակվեց նաև հեղափոխությունից հետո, այդ նույն պետությունը զավթած մարմնի ղեկավար, պետք է ենթադրել, որ պարոն Վանեցյանը մնացել է պետությունը զավթած, տոտոլիտար կառավարման անվտանգության բովանդակության շրջանակներում, ինչպես նաև իրեն հարց տվող լրագրողը, որովհետև «Բաց հասարակության հիմնադրամը» և նրա հետ համագործակցող կազմակերպությունները և քաղհասարակությունը ժողովրդավարական պետությանը բնորոշ ինստիտուտներ են»,-ասաց Սաքունցը։ Անդրադառնալով հարցին, թե եթե պարոն Վանեցյանը այդ ինստիտուտի գործունեությանը չէր անդրադառնում իր ԱԱԾ տնօրեն լինելու ընթացքում, եթե կարծում էր, որ այն վտանգ է ներկայացնում, ապա ըստ Սաքունցի՝ չէր կարող, որովհետև իր ցանկացած քայլ «Բաց հասարակության հիմնադրամի» կամ քաղաքացիական ինստիտուտների դեմ, որոնք գործում են հանուն մարդու իրավունքների և ժողովրդավարական արժքների պահպանման և ամրապնդման՝ կլինեին հակաօրինական։ «Սա ցույց է տալիս, որ մարդը գտնվել է խիստ անհարմար վիճակում, եթե մի բան ուզեցել է անել, բայց քանի որ այդ գործողությունները ապօրինի էին՝ զերծ է մնացել այդ գործողություններից, բայց հիմա քանի որ այդ լիազորություննրի բեռից ազատվել է՝ ի վերջո անկեղծացել է։ Սա ավելի շատ ցույց է տալիս, որ ԱԱԾ-ն պետք է արմատական փոփոխություններ կրի և համապատասխանեցվի ժողովրդավարական պետության ծառայությանը, քանի որ խնդիրը միայն Արթուր Վանեցյանը չէ»,-ասաց Սաքունցը։

armdaily.am