Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

2025թ․ ապրիլի 11-12-ին ՀՔԱՎ գրասենյակի ներկայացուցիչներ Արթուր Սաքունցը և Նազելի Մովսեսյանը ներկա են գտնվել Անվտանգության ոլորտի կառավարման ժնևյան կենտրոնի (DCAF)  նախաձեռնությամբ կազմակերպված «Մարդու իրավունքները Հայաստանի զինված ուժերում» կլոր սեղան-քննարկմանը։  

Զինծառայողների նկատմամբ վատ, արժանապատվություն նվաստացնող վերաբերմունքի արգելքի համատեքստում քննարկման ընթացքում բազմիցս անդրադարձ կատարվեց «Մուրադյանն ընդդեմ ՀՀ-ի» խումբ գործերի առնչությամբ ԵԽ նախարարների կոմիտեի կողմից 2023 թ ՀՀ կառավարությանը տրված հանձնարարականներին։ 

Քննարկմանը ՀՔԱՎ գրասենյակի նախագահ Արթուր Սաքունցն անդրադարձավ ՀՀ զինված ուժերում առկա մի շարք խնդիրների, առանձնակի շեշտելով զինծառայողներին որպես համազգեստով քաղաքացի դիտարկելու և վերջիններիս իրավունքների պաշտպանությանը հետամուտ լինելու անհրաժեշտությունը։ 

Ա․ Սաքունցն առանձին և մանրամասնորեն ներկայացրեց նաև զորակոչի ընթացքում մարդու իարվունքերի խախտումների վերաբերյալ խնդիրները, որոնք տարիներ շարունակ ՀՔԱՎ գրասենյակն արձանագրում  և բարձրաձայնում է։ Մասնավորապես՝   

• Առողջական լուրջ խնդիրներ ունեցող զորակոչիկներին ծառայության համար պիտանի ճանաչելը, 

• Նախկինում զինծառայության հետ ոչ համատեղելի համարվող հիվանդությունների ցանկի կրճատման տենդենցը, 

• Զորակոչինկների՝ իրենց սեփական միջոցներով հետազոտություններ անցնելու արհեստական խոչընդոտները։ 

Զորակոչի ընթացքում Կազմակերպության արձանագրած  բոլոր խնդիրները՝ ԱՅՍՏԵՂ։