Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Իրավապահները հաշվի առնելով տղամարդու խոցելիությունը՝ առավել ուշադիր պետք է գտնվեին նրա նկատմամբ, ասում է իրավապաշտպան Արթուր Սաքունցը։ Ոստիկանները պետք է անհապաղ մասնագետ հրավիրեին, որ գնահատեր նրա հոգեկան վիճակը, և միջանցքում մերկ վիճակում աստիճաններով վերուվար անող տղամարդուն լսեին առանձնասենյակում, առանց որևէ տեսագրության։

Արաբկիրի բաժնի պետն ու դեպքի վայրում գտնվող աշխատակիցները անհապաղ պետք է հեռացվեն ծառայությունից, կարծում է Սաքունցը․ - «Ոստիկանության այդ բաժնում աշխատողները պարտավոր են անել այն բոլոր քայլերը, որպեսզի մարդը չգտնվի էդ վիճակում։ Ելնելով տեսանյութում պատկերված իրավիճակից, կարող եմ ենթադրել, որ անձը գտնվել է նաև ձեռնաշղթաներով, դա է՛լ ավելի նվաստացուցիչ վիճակ է հանդիսանում։ Մանավանդ որ ոստիկանության աշխատակիցներից որևէ մեկը պատշաճ գործողություններ նրա հետ չէր էլ ցանկանում անել․ նկատի ունեմ հոգեբան, հոգեբանական աշխատանք և այլն, և այլն»։