Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Հելսինկյան քաղաքացիական ասամբլեիայի Վանաձորի գրեսանեյակի ղեկավար, իրավապաշտպան Արթուր Սաքունցի համոզմամբ նույնպես՝ խորհրդարանի այսօրվա ընտրությամբ իշխանությունն այդպես էլ չվերականգնվեց Սահմանադրական դատարանի հանդեպ հանրային վստահությունը։

Իրավապաշտպանը ուշագրավ է համարում այն հանգամանքը, որ խորհրդարանում ՍԴ դատավորների ընտրության քննարկման ժամանակ չհնչեցին ժողովրդավարական արժեքներին, մարդու իրավունքներին, Սահմանադրական դատարանի դերին առնչվող հարցեր։ Ըստ Սաքունցի, կարծես զուտ տեխնիկական հարց էր լուծվում։ ՍԴ-ում թափուր 3 տեղ կար, որոնք պարզապես լրացվեցին այլ անձանցով, ովքեր ըստ Սաքունցի, որևէ բանով չեն տարբերվում նախկին անդամներից։ Հետևաբար ողջ այս գործընթացը՝ անիմաստ էր։

«Եթե այս ամբողջ ջանքերը գործադրելու փոխարեն ընդամենը փորձեին երկխոսություն ծավալել և համաձայնության գնալ թե՛ Թովմասյանի, թե՛ Գյուլումյանի հետ, ապա էլի նույն արդյունքը կստացվեր: Հիմա հարց է ծագում՝ արժե՞ր արդյոք այսքան ժամանակ ծախսել, ռեսուրսներ ծախսել, այս ամեն ինչը ծավալել, երբ որ կարելի էր նույն փոխհամաձայնությունը ունենալ թե՛ Թովմասյանի, թե՛ մնացած Սահմանադրական դատարանի անդմների հետ: Այսինքն տրամաբանությունը նույնիսկ հասկանալի չէ: Ինչո՞ւ դա հնարավոր է Խունդկարյանի հետ և ոչ թե Հրայր Թովմասյանի հետ», - նշեց իրավապաշտպանը:

«Ազատության» հարցին, այսինքն ինքը ոչ մի տարբերություն չի՞ տեսնում Խունդկարյանի և Հրայր Թովմասյանի միջև, Սաքունցը պատասխանեց. «Բնականաբար, սա զուտ մեխանիկական փոփոխություն էր, առանց բովանդակային որևիցե հենքի»:

Ամբողջությամբ՝ azatutyun.am