Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

«Պարզաբանումներ կամ հիմնավորումներ չտալը կլինի նախորդ իշխանության սովորույթի շարունակությունը։ Եթե հիշում եք, մենք գոնե բացատրություններ ստանում էինք, երբ որ մենք ահազանգում էինք, մեր անհամաձայնությունն էինք հայտնում այդ նշանակումների հետ կապված Նիկոլ Փաշինյանի կողմից, և մենք ակնկալում ենք նմանապես նույն ոճով պարզաբանումներ այդ նշանակումներից հրաժարվելու՝ և՛ ԱԱԾ-ի, և՛ Ոստիկանության պետի և մնացած ընդհանրապես բոլոր։ Դա երկրորդական, երրորդական նշանակումներ չեն, վերջին հաշվով էլի են լինելու հրաժարականներ, իշխանությունը պարտավոր է պարզաբանումներ տալ, իրազեկել հանրությանը, որպեսզի մենք կարողանանք գնահատենք այդ ազատումների հիմնավորվածությունը, մոտիվը, դրդապատճառը, և ըստ դրա նաև մենք կարողանանք մեր դիրքորոշումը և մեր մոտեցումները ձևակերպենք և պահանջները ներկայացնենք։ Այսինքն դա զուտ անձնական որակների հետ կապվա՞ծ հարցեր են, թե՞ դա համակարգային նշանակություն ունեցող հարցեր են», - նշեց Արթուր Սաքունցը՝ շարունակելով. «Մենք համակարգային նշանակություն ունեցող հարցերի վերաբերյալ առաջարկները բազմաթիվ ենք ներկայացրել և դեռևս լուծումներ չենք գտել։ Այդ պարագայում մեզ համար հասկանալի չէ՝ էդ դեպքում ինչի՞ համար եք դժգոհ այդ մարդկանցից»։