Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Այս տարի ԶՈւ-ում մահվան 60 դեպք է գրանցվել, որից 17-ը սպանության և ինքնասպանության հետևանք են

Բանակում տեղի ունեցող դեպքերի ուսումնասիրությամբ զբաղվող Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցն ասում է՝ ինքնասպանություն է, թե սպանություն, փաստը զինծառայողի մահն է ծառայության ընթացքում, պատասխանատուներն էլ այդ զորամասի զինվորական ղեկավարներն են:

Իրավապաշտպան կազմակերպության տվյալներով՝ միայն այս տարի զինված ուժերում մահվան 60 դեպք է գրանցվել, որից միայն 17-ն են հրադադարի ռեժիմի խախտման հետևանքով եղել, իսկ այլ պատճառներով մահացած 43-ից 17-ը սպանության և ինքնասպանության հետևանք են։

«Սա նշանակում է` զինված ուժերում բարոյահոգեբանական մթնոլորտի, զինվորական կարգապահության ապահովման հետ կապված բավականին լուրջ խնդիրներ, որովհետև ծանր հանցագործության հետևանքով են մարդիկ սպանվում, և ինքնասպանություն, բնականաբար այսպես ես որակում, բայց դա հետևանք է հենց նույն այդ բարոյական մթնոլորտի և ընդհանրապես մթնոլորտի հետևանք է», - նշեց իրավապաշտպանը:

Արթուր Սաքունցն, անդրադառնալով Պաշտպանության նախարարության նախնական պարզաբանմանն, ասում է՝ պետք է դատապարտող տեքստ լիներ և ընդգծվեր, որ ՊՆ-ն աջակցելու էր քննության ողջ ընթացքին՝ մեղավորներին հայտնաբերելու, պատժելու և այդպիսի դեպքերն արմատախիլ անելու համար։