Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Դարբինյանը Վանաձորի քաղաքապետն էր շուրջ 17 տարի։ Նրա գործունեությանը տարիներ շարունակ հետևող իրավապաշտպան Արթուր Սաքունցը հարց է բարձրացնում՝ իսկ եթե քաղաքապետարանը չդիմի դատարան, քաղաքից յուրացվածը ո՞վ և ինչպե՞ս է վերադարձնելու. «Չէ, բայց եթե համայնքը չդիմեց, ո՞վ կարող է ստիպել համայնքին, որ դիմի: Ենթադրենք` պարտավորությունը չի կատարում, ո՞րն է մեխանիզմը պարտադրելու, չկա այդպիսի մեխանիզմ»:

Վանաձորում բնակվող իրավապաշտպան Սաքունցն, իր հերթին, հիշում է Դարբինյանի ղեկավարման տարիները, անգամ դատական քաշքշուկի մեջ էր հայտնվել քաղաքապետարանի հետ՝ որոշումները ստանալու համար. «Ավագանին ակնհայտ ապօրինի որոշում էր կայացրել, որ համայնքի գույքի օտարման լիազորությունը տրամադրում է համայնքի ղեկավարին, և այդ որոշումը չէր բողոքարկվել մարզպետի կողմից, այդ որոշումը` որպես նորմատիվ իրավական ակտ, գրանցվում է նաև Արդարադատության նախարարության կողմից: Թե ովքեր էին այդ նորմատիվ իրավական փաստաթուղթը գրանցել, իհարկե, Արդարադատության նախարարությունում նայել էին, թե չէ, բայց բոլոր դեպքերում սա ակնհայտ ապօրինի մեխանիզմ էր, որպեսզի համայնքի ղեկավարը միանձնյա գույքը բաշխի, ինչպես և տեղի էր ունեցել: Ինքը մարզպետարանի շենքի երկու հատվածը կենտրոնական հրապարակում` նախկին ցայտաղբյուրները տրամադրել էր իր տղային` վարչական դատարանի դատավորին որպես սեփականություն»:

Արթուր Սաքունցի կարծիքով` դատախազությունը կարող է չսպասել Վանաձորի համայնքապետարանին, և ինքը նախաձեռնել Դարբինյանի գույքի ուսումնասիրությունը՝ կիրառելով ապօրինի ծագում ունեցող գույքի բռանագանձման գործիքը։