Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

ՊՎԾ-ն օրենքով անմիջապես վարչապետին ենթակա և հաշվետու մարմին է։ Իրավապաշտպան Արթուր Սաքունցի խոսքով` եթե անգամ այնտեղ աշխատի պրոֆեսիոնալ ու մեծ անձնակազմ, միևնույն է` կառույցի գործունեությունը կախված է քաղաքական որոշումներից, ինչպես Սանասարյանի բերած օրինակում։

«Օրենքի տեսակետից հիմնավոր է, այսինքն` չես կարող ասել` հակաօրինական է, բայց ինքը սկզբունքի առումով, հաշվետվության և թափանցիկության սկզբունքին հակասում է, բայց հաշվետվության և թափանցիկության սկզբունքը կարող է երաշխավորվել օրենքով, այսինքն` պետք է ընդունվի այնպիսի օրենսդրություն, պետք է ընդունվի այնպիսի Սահմանադրություն, որ վարչապետի նման որոշումը լինի հակաօրինական: Լավ ցանկությունները չպետք է որոշիչ լինեն, այլ լավ մեխանիզմները պետք է որոշիչ լինեն», - կարծում է իրավապաշտպանը:

Երկրի անվտանգության ապահովման համար ծախսվող միջոցների վերահսկումը առանց ծավալուն գաղտնազերծումների խորհրդարանական շատ երկրներում իրականացվում է պառլամենտի կողմից, մի բան, որ երբեք չի եղել Հայաստանում. «Ուրեմն, գործող մեխանիզմներն արդյունավետ չեն, գործող մեխանիզմները չեն վերացնում կոռուպցիոն ռիսկերը, գործող մեխանիզմներն ընդհակառակը` իրենք հենց իրենց էությամբ կոռուպցիոն ռիսկերը խթանող են, կոծկող են և պահպանող են: Ո՞վ է ընդունում որոշում, թե ինչ գնել և ինչու, որովհետև եթե այդ որոշումները մասնակցային են, ապա ուրեմն դրանք ավելի արդյունավետ են, իսկ եթե դրանք մի քանի անձով են որոշվում, ապա դրանք սուբյեկտիվ են», - ասաց Սաքունցը:

Պատգամավորի՝ Նիկոլ Փաշինյանը «պատասխանատու կարգելու փնտրտուքների մեջ է», իշխանությունից արձագանքում են

«Այն մեխանիզմների մասին, որ խոսում ենք` հաշվետու և թափանցիկ կառավարման, պառլամենտական արդյունավետ վերահսկողություն, դա է երաշխիքը, որ նման հանցագործողությունները կկանխվեն, հակառակ պարագայում ժամանակ առ ժամանակ գործ ենք ունենալու առանձին այդպիսի ռիսկերի դրսևորումների հետ: Ես անձերով չեմ պայմանավորում: Քանի դեռ մեխանիզմը չկա` արդյունավետ պառլամենտական վերահսկողություն, ռիսկերը լինելու են», - համոզված է նա:

Իսկ մինչ այդ Սաքունցը պնդում է, որ ինչպես նախկինում, այդպես էլ հիմա էլ պաշտպանության ոլորտում մեծ կոռուպցիոն ռիսկեր կան, որոնց համեմատ անգամ 4 միլիոն դոլարի չարաշահումը կարող է ոչ մեծ կորուստ թվալ երկրի անվտանգության համար։