Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

ՀՔԱՎ նախագահ Արթուր Սաքունցը Epress.am-ի հետ զրուցել է Սասնա ծռեր խմբավորման անդամներին առաջադրված մեղադրանքների մասին։ Նա կարծիք է հայտնել, որ պատժիչ մոտեցումը չի կարող կիրառելի լինել բռնապետության դեմ ընդվզում կատարող անձի նկատմամբ ժողովրդավարական պետությունում։ 

«Առավել քան վստահ եմ, եթե «Սասնա ծռերը», որոնք գրավեցին ՊՊԾ գունդը, և այդ գրավման ընթացքում, ցավոք սրտի, եղան այդ զոհերը, եթե նրանց բոլորին գնդակահարեին, նրանք հերոսացվելու էին՝ որպես բռնապետության դեմ դուրս եկած մարտիկներ։

Ես չեմ համարում Սասնա ծռերին քաղաքական գործիչներ, որովհետև զենքը քաղաքական գործիք չէ, բայց որ նրանք ապստամբներ են, ինչու, որովհետև այդ ժամանակվա իշխանությունը, կառավարումը զանգվածային և անպատիժ խախտում էր մարդու իրավունքները և ստեղծել էր այն մթնոլորտը, որ իր իշխանության կասեցման համար նման մեթոդները, այսինքն՝ զինված մեթոդները, դառնում էին լեգիտիմ, և այդ դրսևորումները հետևանք են բռնապետական կառավարման։

Դա եղել է ակնհայտ ընդվզում տիրող կառավարմանը, սա է փաստը։ Եվ այդ ընթացքում եղել են մարդկային զոհեր, որը, իհարկե, ցավալի է։ Բայց այդ զոհերի պատասխանատուն ևս համակարգն է։

Քաղաքացին չէ կյանքի իրավունքի և ընդհանրապես մարդու իրավունքների ապահովման երաշխավորը, այլ՝ պետությունը»։