Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

«Սերժ Սարգսյանը փորձում էր կառավարման ժամկետը երկարացնել՝ առաջդրվելով վարչապետ, բայց հեղափոխությունը տեղի ունեցավ հիմնականում այն պատճառով, որ խորքային խնդիրներ էին կուտակվել։ Ինչպե՞ս գործեց Սահմանադրությունը, տվե՞ց լուծումներ քաղաքական իրավիճակի փոփոխության ժամանակ, ո՛չ չտվեց՝ աբսուրդ է պառլամենտական երկրում փոքրամասնության ներկայացուցչին ընտրել վարչապետ, աբսուրդ է, երբ քո Սահմանադրությունը կարգավորող նորմը պետք է աշխատեցվի, և դա ապահովվում է միայն ժողովրդի զանգվածային առկայության պայմաններում։ Սրանք փաստեր են Սահմանադրության անպիտանության մասին»,- «Սահմանադրական փոփոխությունները Հայաստանում. քաղաքացիական հասարակության դիրքորոշումները» խորագրով հանրային քննարկմանը ասաց Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը։

Նա վստահեցնում է, որ կայուն մեծամասնության սկզբունքը մեկ կուսակցության կառվարմանն է միտված, սակայն ձևակերպված է քաղաքագիտական մանիպուլյացիայով: «Փորձեցին Հայաստանում կառավարելի ժողովրդավարության մոդել հորինել, բայց չանցավ»,- ասաց Սաքունցը։

«Այս Սահմանդրությունն անփոփոխելի է, որովհետև Սահմանադրության փոփոխության ցանկացած նախագիծ պետք է ստանա Սահմանադրական դատարանի եզրակացությունը։ Սա՝ ելնելով այն սկզբունքից, որ իշխանությունն անփոփոխելի է։ ՍԴ-ն ցանկացած պարագայում կարող է ասել՝ փոփոխությունը չի կարելի իրականացնել։ Թավշյա հեղափոխությունը մերժել է ոչ միայն իշխանությանը, այլ նաև Սահմանադրությունը։ Սա պետության զավթումն ապահովող Սահմանադրություն է։ Սա ճգնաժամային Սահմանադրություն է, որի հաղթահարման միակ տարբերակը վարչապետի սուբյեկտիվ կամքն է»,- ասաց իրավապաշտպանը։

Մանրամասները՝ տեսանյութում:

factor.am