Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Ոստիկանական ուժերի ներգրավմամբ Ալավերդիում տեղի ունեցավ տեղական ինքնակառավարման մարմնի, ընտրողների կամքի արդյունքների և ժողովրդավարության ոչնչացում՝ ասում է իրավապաշտպան Արթուր Սաքունցը։ 

Նա շեշտում է՝ Ալավերդիում տեղի ունեցածը որևէ առնչություն չունի ժողովրդավարության հետ։ 

«Ոստիկանությունը թույլ չի տալիս համայնքի գործող ղեկավարին մուտք գործել համայնքապետարան, և ավագանու որոշ թվով անդամներով անվստահության քվեարկություն են կազմակերպում, այն դեպքում, երբ ավագանու նիստին պետք է ներկա լինի նաև հենց այն անձը, որին անվստահություն են հայտնում»,- ասում է Սաքունցը։ 

Հիշեցնենք, որ Ալավերդի համայնքի ավագանին այսօր անվստահություն է հայտնել համայնքի ղեկավար Արկադի Թամազյանին։ Ավագանին նոր համայնքապետ է ընտրել ավագանու ՔՊ խմբակցության ղեկավար, Շնողի նախկին համայնքապետ Դավիթ Ղումաշյանին։ Թամազյանի հեռանալու հարցին կողմ է քվեարկել ավագանու 27 անդամից 14-ը։  Մանրամասները՝ տեսանյութում։ 

Անի Թամրազյան
© factor.am