Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

«Ընտրական օրենսգրքի ամբողջ փաթեթն արդեն պատրաստ է, և մենք գտնում ենք՝ չպետք է սպասել մինչև հաջորդ ընտրությունները կամ ընտրություններից մեկ տարի առաջ, որպեսզի Ընտրական օրենսգիրք փոխենք: Հենց հիմա պետք է Ընտրական օրենսգիրքը փոխվի, որովհետև ընտրությունները միշտ են տեղի ունենում: Մենք հետամուտ ենք և պահանջատեր, որպեսզի նորընտիր Ազգային ժողովը օր առաջ անդրադառնա Ընտրական օրենսգրքի ընդունմանը»,- «Հայաստանում ժողովրդավարական միջավայրի և ընտրական գործընթացների ներառականության մասնակցային գնահատում» թեմայով քննարկմանը ասաց ՀՔԱՎ գրասենյակի ղեկավար, իրավապաշտպան Արթուր Սաքունցը:

Նշենք, որ ծրագրի շրջանակում ՀՔԱՎ-ի կողմից շուրջ 1100 անձ է վերապատրաստվել և մասնակցել դիտորդական առաքելությանը: Դիտորդների 30%-ն առաջին անգամ է դիտորդություն իրականացրել, 65%-ը եղել է կին և 70% եղել է մինչև 30 տարեկան: Քվեարկության օրը դիտարկվել է 300 տեղամաս և 36 տարածքային ընտրական հանձնաժողով: Դիտարկված 300 տեղամասում հայտնաբերվել է 2000 խախտում, որոնց մեծ մասը լուծվել է անմիջապես։ 45 խնդիր իրավաբանների կողմից ներկայացվել է տարածքային ընտրական հանձնաժողովներին: Մանրամասները՝ տեսանյութում: 

factor.am