Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

ՀՔԱՎ-ը կազմակերպել է «Զինված ուժերի բարեփոխումների վերաբերյալ կանաչ թուղթ» աշխատության քննարկումը: Հրավիրված են պետական մարմինների ներկայացուցիչներ, պատգամավորներ, անվտանգության և ռազմական փորձագետներ, հասարակական կազմակերպությունների ներկայացուցիչներ:

«Մենք պարտվել ենք, որովհետև խորհրդային կառավարման մոդել ենք ունեցել,- այս կարծիքը հայտնեց ՀՔԱ Վանաձորի գրասենյակի ղեկավար Արթուր Սաքունցը:- Խորհրդային մոդելին է բնորոշ պոպուլիզմը, մի բան ունենալ և այլ բան ցույց տալը, այլընտրանքներ չտեսնելը: Իսկ ժողովրդավարական կառավարումը և մշակույթը չի կարող չտեսնել այլընտրանքներ, մտքի ու կարծիքի սահմաններ այնտեղ չկան:

Մենք կարողացե՞լ ենք հասկանալ, թե որն է խնդրի բուն արմատը. սա է հիմնական հարցը»: Անդրադառնալով Զինված ուժերի բարեփոխումներին՝ Սաքունցը նշեց, որ կադրային փոփոխությունները չէ, որ բարեփոխումներ են: Նա նաև ընդգծեց, որ պետք է հստակ տեսլական ներկայացնել հանրությանը՝ ինչպիսի ԶՈՒ ենք ուզում տեսնել: