Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Բանակի կարիքների համար շահագործվող ավտոպարկը մշտապես պետք է վերանորոգվի ու վերահսկողության տակ լինի, տեխնիկական պարկի մշտական թարմացում պետք է ապահովել դժբախտ պատահարներից խուսափելու համար: Lragir.am-ի հետ զրույցում այս խնդրին անդրադարձել է իրավապաշտպան Արթուր Սաքունցը՝ նշելով, որ սահմանված պահանջներ կան, դրանք ընդամենը պետք է կատարել:

«Պետք է ընդամենը պահանջները կատարել, որովհետև բավական լուրջ ինֆորմատիվ բազա կա այդ ամենի վրա՝ շահագործելուց առաջ ստուգել, հրահանգավորել, հետևել, ընդունել»,- ասաց նա:

Նշենք, որ օրերս հերթական դժբախտ դեպքն էր տեղի ուեցել, ինչի հետևանքով 4 զինծառայող էր մահացել: Ողբերգական ավտովթար էր տեղի ունեցել Որոտան-Խնձորեսկ ավտոճանապարհի 5-րդ կմ հատվածում. N զորամասի հաշվեկշռում գտնվող «Կամազ» մակնիշի ավտոմեքենան դուրս էր եկել ճանապարհի երթևեկելի մասից և գլորվել ձորը: Կային նաև վիւրավորներ: Մամուլում տեղեկություն է հրապարալվել, որ «Կամազ» մակնիշի ավտոմեքենայի վարորդ, շարքային Էդգար Հունանյանը չի ցանկացել գնալ Արցախ զորավարժանքների, քանի որ «Կամազը» լավ վիճակում չի եղել:

Պաշտպանության նախարարի պաշտոնակատար Դավիթ Տոնոյանը հաստատել է, որ նախնական արդյունքներով արդեն իսկ ակնհայտ է, որ ողբերգության պատճառների շարքում տեղ են գտել տեխնիկական և ծառայության կազմակերպման հետ կապված մի շարք կոպիտ բացթողումներ:

Զինված ուժերում գրանցված մահվան դեպքերի մեջ ավտովթարների հետևանքով դեպքերի առանձին վիճակագրություն կա: Իրավապաշտպան Արթուր Սաքունցի խոսքով՝ այդ դեպքերը աճի միտում ունեն: Հելսինկյան քաղաքացիական ասամբլեայի Վանաձորի գրասենյակի հրապարակած զեկույցի համաձայն՝ այս տարվա ինն ամիսներին Զինված ուժերի ԼՂ պաշտպանության բանակի 44 մահվան դեպքերից 17-ը համարվում են ծառայության հետ կապ չունեցող, որոնցից 9-ը ավտովթարի հետևանքով են եղել:

2017 թ-ին ՀՀ զինված ուժերում և ԼՂ պաշտպանության բանակում մահացել է 60 զինծառայող: Մահվան դեպքերից 14-ը դժբախտ պատահարների հետևանք են, որից 8-ը՝ ավտովթարի:

«Ամեն մի կոնկրետ դեպքով չունենք քննության նյութերը, որպեսզի կարողանանք վերջնական եզրակացություն կազմել, թե ովքեր են մեղավոր: Քրեական գործերով սովորաբար մեղադրում են վարորդին, բայց թե ինչքանո՞վ է նաև պատասխանատվության ենթարկվում տեխնիկայի գծով հրամանատարի տեղակալը կամ թիկունքի գծով պատասխանատուն, մենք չենք իմանում»,- ասաց Արթուր Սաքունցը:

Նրա խոսքով՝  այդ տեխնիկան, նախքան շահագործման դուրս գալը, պետք է անպայման ստուգում անցնի՝ պարզելու համապատասանում է շահագործմանը, թե ոչ: Պետք է ստուգել, թե արդյոք վարորդը պատշաճ հրահանգավորում անցել է, թե ոչ: «Պատահարների վիճակագրության մեջ ավտովթարներն առաձին տեղ են զբաղեցնում, և դրանց թիվը ժամանակ առ ժամամակ բավական մեծ է լինում: Իմ համոզմամբ՝ հիմնական պատճառը զինվորական մեքենաների ոչ բավարար տեխնիկական վիճակն է: Այսինքն՝ շահագործման տեսակետից իրենք պետք է բավական լուրջ վերանորոգման ենթարկվեն կամ թարմացվեն: Երկրորդ, կա անձնակազմի պատշաճ պատրաստվածության, պատշաճ շահագործելու կանոնների ուսուցանման խնդիր: Երրորդն, իհարկե, հրահանգավորման խնդիրն է, որովհետև այդ մեքենաների ամբողջ պարկը պետք է կառավարել, և դա ունի համապատասխան պատասխանատու: Մի հարց էլ կա, որը ևս կարևոր է՝ վառելիքի որակի հարցն էլ պետք է հետազոտման առարկա դառնա»,- ասաց իրավապաշտպանը:

lragir.am