Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

2025թ․-ի հունվարին Թ․Մ․-ն իր աշխատանքային իրավունքների պաշտպանության հարցով դիմել էր ՀՔԱ Վանաձորի գրասենյակ։ Վերջինս կարգապահական տույժի էր ենթարկվել X համայնքի համայնքապետի կողմից՝ իբրև թե աշխատանքային պարտականությունները չկատարելու պատճառով։ Տրված տույժը թվով երկրորդն էր, և ևս մեկը ստանալու դեպքում Թ․Մ․-ն աշխատանքից կազատվեր։ 

Համայնքապետը պատճառաբանել էր տույժի կիրառումը իր տված հանձնարարականները չկատարելով, մինչդեռ Թ․Մ․-ն հանձնարարականններ չէր ստացել, քանի որ այդ ժամանակահատվածում գտնվել էր արձակուրդում և պատշաճ կերպով չէր տեղեկացվել հանձնարարականի վերաբերյալ։  

ՀՔԱՎ գրասենյակը և Կազմակերպության իրավաբան Սամսոն Գալստյանը 2025թ․-ի հունվարից ստանձնել են Թ․Մ․-ի աշխատանքային իրավունքների պաշտպանությունը․ Հայցադիմում է ներկայացվել Լոռու մարզի առաջին ատյանի ընդհանուր իրավասության դատարան։ Դատարանը ապրիլի 28-ին վճիռ է կայացրել, որով՝ անվավեր է ճանաչել համայնքապետի որոշումը։ Վերոնշյալ որոշումը ոչ իրավաչափ էր, կայացվել էր Սահմանադրության և օրենքների խախտումներով։  Մասնավորապես՝ 

ՀՀ աշխատանքային օրենսգրքի 226-րդ հոդվածի 1-ին մասի  համաձայն՝ մինչև կարգապահական տույժի կիրառումը գործատուն պետք է աշխատողից գրավոր կերպով պահանջի խախտման մասին գրավոր բացատրություն՝ տրամադրելով ողջամիտ ժամկետ: Եթե գործատուի սահմանած ողջամիտ ժամկետում աշխատողն առանց հարգելի պատճառների չի ներկայացնում գրավոր բացատրություն, ապա կարգապահական տույժը կարող է կիրառվել առանց գրավոր բացատրության: