Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

2022թ․ սեպտեմբերի 25–ին Հայաստանի 18 համայնքներում տեղի կունենան ՏԻՄ ընտրություններ։ Համայնքներից 17–ում համամասնական ընտրակարգով կընտրվի ավագանի, իսկ մեկում՝ մեծամասնական ընտրակարգով կընտրեն համայնքի ղեկավար և ավագանու անդամների։

«Անկախ դիտորդ» դաշինքը երկարաժամկետ դիտորդություն է իրականացնում 18 համայնքներից 17–ում։

2021թ. սեպտեմբեր-դեկտեմբեր ամսիներին 45 համայնքներում տեղի ունեցած ՏԻՄ ընտրությունները ցույց տվեցին, որ համամասնական ընտրակարգը կարող է նպաստել քաղաքական մշակույթի ձևավորմանը և հնարավորություն ստեղծել որոշ արտախորհրդարանական ուժերին զգալի ներկայացվածություն ունենալ ՏԻՄ մակարդակում: Այնուամենայնիվ, առանձին համայնքներում  ընտրությունների արդյունքում ընտրված ավագանին չի կարողացել ընտրել համայնքի ղեկավար կամ  ընտրությունը իրականացրել է այնպիսի պայմաններում, որոնք հանգեցրել են ավագանու լուծարմանը, տևական դատական գործընթացների, որոնցից մեկի արդյուքում էլ Վանաձոր համայնքում փաստացի չեն ձևավորվել տեղական ինքնակառավարման մարմինները։ Այս դեպքերը ցույց են տալիս ՀՀ-ում ընդհանուր քաղաքական, դատական և ընտրական համակարգի խորքային խնդիրները, որոնք հանգեցնում են հետընթացի ժողովորդավարության  սկզբունքներից:  Վերոնշյալ խնդրային համայնքներից Թալին համայնքում սեպտեմբերի 25-ին տեղի են ունենալու նոր ընտրություններ:

«Անկախ դիտորդ» հասարակական դաշինքն իր դիտորդական առաքելությունը առաջիկա ընտրություններին ընդառաջ մեկնարկեց 2022թ. օգոստոսի 31-ին` քարոզարշավի պաշտոնական մեկնարկի հետ միասին։

Անցած ժամանակահատվածում երկարաժամկետ դիտարկումն իրականացվել է 17 դիտորդի կողմից, որոնց հիմնական արձանագրումներն ամփոփված են ներկայացվող զեկույցում։

Դիտարկվել է թեկնածուների 42 հանդիպում 11 համայնքում։ Այդ հավաքների ընթացքում իրականացվել են հարցազրույցներ 54 մասնակցի հետ: Իրականացվել են հարցազրույցներ 78 թեկնածուների և շտաբների 26 ղեկավարների հետ։ Այս դիտարկումների ամփոփումները կներկայացվեն Առաքելության վերջնական զեկույցում։