Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Իրավապաշտպան Արթուր Սաքունցը ֆեյսբուքյան իր էջում գրել է. «Ուրեմն մի կարևոր հանգամանք նշեմ

Այսօրվա քաղաքական համակարգում իշխանությունը մարդու իրավունքների և ժողովրդավարական արժեքներին լիակատար հավատարիմ ընդդիմություն չունի, ու ցանկացած չհամաձայնողի կարող եմ այս պնդումը հիմնավորել.

Այն ինչից փրկվել ենք թավշյա հեղափոխության արդյունքում՝ քրեա-կգբա-բանդիտական կառավարողների և նրանց հպատակների կողմից պետությունը զավթած վիճակից ազատագրելով, իհարկե եզակի հրաշք է.

Բայց այսօրվա իշխանությունը պետք է և պարտավոր է այդ փրկության փաստով շատ ավելի պարտավորված լինի ժողովրդավարական զարգացումների, մարդու իրավունքների ապահովման համար՝ ցանկացած որոշում կայացնելիս, ինչքան էլ որ այդ որոշումները լինեն դժվար, ժամանակատար կամ հրատապ:

Ցանկացած զիջում այս հարցում ոչ թե զիջում է քաղաքական կոնյուկտուրայի իմաստով, այլ Հայաստանի Հանրապետության որպես ժողովրդավարական, ինքնիշխան, իրավական և սոցիալական պետության զարգացման առումով:

Սա որպես ի գիտություն»: