Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Իրավապաշտպան Արթուր Սաքունցը ֆեյսբուքյան իր էջում գրել է. «Մինչև հիմա կոռուպցիոն հանցագործություններ չեն բացահայտվել և որևէ մեկի նկատմամբ կոռուպցիոն հանցագործության կատարման հիմքով քրեական գործ չի հարուցվել իրավապահ մարմինների՝ Ազգային անվտանգության ծառայության, ոստիկանության, քննչական մարմինների և դատախազության որևէ նախկին կամ ներկա բարձրաստիճան պաշտոնյայի նկատմամբ:

Ողջամիտ տրամաբանությունը կամ գոյություն ունի, կամ էլ այդ մարմինները գործել են բացառապես բարեխիղճ, և բոլոր նախկին հրապարակումները հիմնավոր չեն եղել, այսինքն` ողջամիտ տրամաբանությունը գոյություն չունի կամ էլ իրավապահ մարմինները գտնվում են բացառիկ անձեռնմխելի վիճակում:

Ուրեմն էլ գյուղապետ, էլ քաղաքապետ, էլ դպրոցի կամ մանկապարտեզի տնօրեն, էլ սոցիալական ծառայության պետ, էլ ռեկտոր ու դիրեկտոր, էլ չգիտեմ` ինչ տարատեսակ պաշտոնատար անձինք կոռուպցիոն հանցագործություններ են կատարել, բայց ոչ որևէ ոստիկանապետ, որևէ ԱԱԾ-ի պետ, կամ դատախազ ու մարզի դատախազ, ոչ էլ քննչականի պետ ոչինչ էլ չեն արել: Իրենք համակարգային կոռուպցիայի հետ ոչ գործ են ունեցել, ոչ էլ որևէ առնչություն են ունեցել:

Եթե գործ չեն ունեցել, ապա ինչո՞ւ էր կոռուպցիան համակարգային ու տարածված, եթե գործ են ունեցել, ապա ինչո՞ւ չկան բացահայտումներ:

Մի հայտնի ֆիլմում այսպիսի միտք էր ներկայացված՝ մի վիրավորեք իմ մտածելու ունակությունը»:

mamul.am