Helsinki Citizens’ Assembly-Vanadzor

Իրավապաշտպան Արթուր Սաքունցը ֆեյսբուքյան իր էջում գրել է. «Քաղաքական դաշտում հեղափոխությունից հետո էլ շարունակվում են հնչեցվել «Եվրասիական ուղղությունը գերակա է համարվում» խոսքերը...

Իր էությամբ որևէ արժեք չպարունակող, բայց միայն մեկ նպատակ հետապնդող` Կրեմլի պուտինյան ռեժիմին անվերապահ հպատակության հավաստիացումն ամրագրող խոսքեր։

Ոչ թե որևէ` եվրասիական, կա՛մ արևմտյան, կա՛մ հարավային, կա՛մ հյուսիսային, կա՛մ արևելյան ուղղությունը պետք է համարվի գերակա, այլ ժողովրդավարական պետություն լինելը, իրավունքի գերակայության սկզբունքի հիման վրա գործող պետության կայացումը, սոցիալական պետությունը, ինքնիշխան պետության ամրագրումը կարող է լինել պետության տեսլականը, որի դեպքում միայն կարող են լինել նույն արժեքային հենքի վրա գործընկերային հարաբերություններ։

Հակառակ պարագայում, կարող է լինել միայն ավտորիտար, մի խմբի կողմից ղեկավարվող բռնապետական կառավարմամբ պետության տեսլականը, որի պայմաններում որևէ գործընկերային հարաբերություններ բացառված են։

Կարող է լինել կամ լիակատար մեկուսացում` Հյ. Կորեա, Թուրքմենստան, Կուբա, կամ էլ ռեժիմի պահպանման համար ավելի մեծ բռնապետի հովանու ներքո պատսպարվելը»։