Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Իրավապաշտպան Արթուր Սաքունցը ֆեյսբուքյան իր էջում գրել է. ««Դա արատ է: Արատը ոնց որ եղել է թաքուն պահել, պետք է թաքուն պահենք: Մենք թույլ չենք տալու երբեք ու երբեք դա տարածվի կամ օրինական ուժ ստանա», - ասաց Ծառուկյանը: Սրանում է արժեքային համակարգի բուն էությունը ոչ միայն Գ. Ծառուկյանի, նրա որոշ համախոհների, այլ նաև հասարակության որոշ շերտերի: Արատը պետք է թաքցնել, արատը չպետք է ցույց տալ, արատը եթե հնարավոր չի թաքցնել, ապա այն օրենքի ուժով պետք է թաքցնել՝ լսում ե՞ք, կարդում ե՞ք... Սրանում է մարդկանց նկատմամբ խտրական, մարդկանց արժանապատվությունը նվաստացնող, ոչնչացնող վերաբերմունքի ողջ հակամարդկային, հակաքաղաքակրթական փիլիսոփայության էությունը: Սա նաև հակասահմանադրական է իր ողջ էությամբ: Թաքցնել, չտեսնելու տալ, արգելել... Այդ ովքե՞ր են որոշելու, թե որոնք են արատները, և այդ ովքե՞ր են որոշելու, թե որ արատներ ունեցողների նկատմամբ ինչ անել՝ թաքցնելու համար: Ներառականության, մարդու իրավունքների համընդհանրության, անքակտելիության մասին խոսքերը բնականաբար ավելորդ են դառնում նման մոտեցումների համար: Հա, նացիստներն արատավոր համարում էին, ըստ իրենց պատկերացումների, որոշ մարդկանց ու ոչնչացնում էին, բոլշևիկները՝ նույնպես: Դրա համար օրենքներ ընդունեցին, քննող ու զննող ատյաններ կազմեցին: Սրանում է ֆաշիզմի ողջ էությունը»։