Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

«Երևի թե հանրության մեծ մասն արդեն իմունիտետ է ձեռք բերել ու այլևս չի հասկանում, թե որտեղ է վերջանում ազատ խոսքը, որն է հասարակ վիրավորանքը, որտեղ է սկսվում թշնամանքի հրահրումն ու հարուցումը, որը կբերի բռնության»,- ասում է ՀՔԱՎ ընտրական ծրագրերի համակարգող Վարդինե Գրիգորյանը։

ՀՀ քրեական օրենսգրքի ազգային, ռասայական կամ կրոնական թշնամանք հարուցելու հոդվածն այս պահին կիրառվում է երկու դեպքի առնչությամբ։ Մեկը իրավապաշտպան Սաշիկ Սուլթանյանի, մյուսը պրոդյուսեր Արմեն Գրիգորյանի նկատմամբ։ Վարդինե Գրիգորյանը սա տարօրինակ է համարում։ 

Ըստ նրա, Արմեն Գրիգորյանի դեպքում խոսույթը վատն է ու չպետք է լինի, բայց քննարկում չկա այդ դեպքի համար կալանավորման նպատակահարմարության մասին։ 

Իսկ իրավապաշտպան Սաշիկ Սուլթանյանի դեպքը Վարդինե Գրիգորյանը աբսուրդ է որակում։ Սաշիկ Սուլթանյանը խոսել է Հայաստանի Հանրապետությունում եզդիների նկատմամաբ խտրականության դեպքերի մասին ու դա որակվել է որպես ազգամիջյան թշնամանք։