Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

ՀՀ ԱԱԾ նախկին պետ Արթուր Վանեցյանի և Չեչնիայի ղեկավար Ռամզան Կադիրովի միջև տեղի ունեցած հանդիպման, դրա առաջացրած հնարավոր վտանգների շուրջ MegaNews.am-ը զրուցեց Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցի հետ:

‹‹Չեմ կարծում, որ այդ հանդիպումն իրենից որևէ վտանգ կարող է ներկայացնել, որովհետև Կադիրովը միջազգային առումով որևէ սուբյեկտ չի: Այստեղ ավելի շատ խնդիրը վերաբերում է նրան, որ ժողովրդավարական և իրավական պետության վերականգնման ճանապարհը բռնած Հայաստանի Ազգային անվտանգության ծառայության արդեն նախկին ղեկավարն հանդիպում է ունենում այնպիսի անձնավորության հետ, ով հայտնի է իր բացառիկ ցինիկ վերաբերմունքով մարդու արժանապատվության նկատմամբ, նրա նկատմամբ կիրառված են ժողովրդավարական պետություններ այցելելու միջազգային արգելքներ, և այստեղ ավելի շատ խոսքը ՀՀ ԱԱԾ պետի արժեքային համակարգի մասին է, որը հնարավոր է համարել ներկա գտնվել այդպիսի մարդու շրջապատում: Թե ինչ նպատակ ուներ այդ հանդիպումը և ինչ կարող էին նրանք քննարկել հանդիպման ժամանակ, ես չեմ պատկերացնում››,- ասաց Արթուր Սաքունցը:

Ըստ նրա՝ Արթուր Վանեցյանը ԱԱԾ պետի պաշտոնից հեռանալուց հետո սկսեց վտանգներ տեսնել այնտեղ, որտեղ չկան այդ վտանգները, այն դեպքում երբ հենց նա էր վտանգների աղբյուրի էպիկենտրոնում գտնվում:

‹‹Ինձ համար առավել քան հասկանալի է, թե ինչպիսին են պարոն Վանեցյանի պատկերացումները վտանգների մասին: Նրա պատկերացումները ամենևին չեն համապատասխանում ժողովրդավարական և ինքնիշխան պետության անվտանգության պատկերացումներին: Սա առավել քան պարզ հիմնավորում է, որ պարոն Վանեցյանը չի համապատասխանել ՀՀ ԱԱԾ պետի պաշտոնին և առավել քան հիմնավոր էր նրա հեռացումը››,-ասաց Արթուր Սաքունցը: 

meganews.am