Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Արտերկրում, մասնավորապես Ռուսաստանում հայերի ու ադրբեջանցիների բախումների, ադրբեջանցիների կողմից հայերի վրա հարձակումների առթիվ ՀՀ իշխանության անելիքը, ըստ իրավապաշտպան Արթուր Սաքունցի՝ պետք է լինի տվյալ երկրների իշխանությունների և հայկական համայնքի հետ աշխատանքը:

«Իշխանությունը պետք է իր դիրքորոշումը ներկայացնի: Մի կողմից պետք է ասի՝ զերծ մնացեք պրովոկացիաներից, մյուս կողմից՝ բռնություն մի՛ գործադրեք, զերծ մնացեք նաև բռնարարքներից, դիմեք իրավապահներին: Հո չի կարող ասել՝ տվեք, ձեր վրա հարձակվողների գլուխները ջարդեք»,- NewArmenia.am-ի հետ զրույցում ասաց իրավապաշտպանը՝ հավելելով. «Հայաստանի իշխանության մեսիջը պետք է լինի իրավական շրջանակներում մնալու ուղերձը»:

Իրավապաշտանի խոսքով՝ եթե որևէ համայնքի ներկայացուցիչ հանցավոր գործողություն է կատարել, դա քրեորեն հետապնդելի արարք է, և պետք է տվյալ պետությունը կանխի այդ ամենը և հանդես գա իր քաղաքացիների պաշտպանությամբ: Իրավապաշտպանի կարծիքով՝ առաջիկայում իրավիճակը կհանդարտվի: 

Նշենք, որ ռուսական Թելեգրամ ալիքներից մեկը գրել է, թե ՌԴ անվտանգության ֆեդերալ ծառայությունը զգուշացրել է ադրբեջանական ու հայկական համայնքներին կոշտ միջոցների մասին, որոնք կարող են կիրառվել ուժայինների կողմից ազգամիջյան բախումների կրկնության դեպքում:

newarmenia.am