Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

ՀՔԱՎ նախագահ Ա․ Սաքունցը ֆեյսբուքյան  էջում գրել է․

Հատուկ հիշեցում որոշ, ոչ բոլոր, այլ որոշ, պաշտոնատար անձանց, որոնց մտածողությունը կարծես թե մթագնվել է գլխապտույտ ուղղահայաց տեղափոխության արդյունքում՝ կամ թթվածնային քաղցի պատճառով, կամ էլ հոգեբանական գերբեռնվածության պատճառով։

Անկախ նշված պատճառներից, եթե մտածողության և վարքագծի այնպիսի կերպարանափոխություն է տեղի ունենում, որ մոռանում են թե ինչ պարտավորություններ են ստանձնել, ապա հիշեցնենք, ու միշտ ենք հիշեցնելու վերցրած պարտավորությունների կատարման համար պատասխանատվության մասին:

Այդ պարտավորությունների կատարման մասին մշտապես ենք հիշեցրել, ահազանգել, ներկայացրել գնահատականներ, զեկույցներ, հայտարարություներ, հրապարակային հնարավոր բոլոր միջոցներով, նաև մինչ հեղափոխությունը՝ պետությունը զավթածներին, և այդ պատճառով տարատեսակ հետապնդումների ու թիրախավորումների էինք ենթարկվում:

Թավշյա հեղափոխության արդյունքում նոր ձևավորված իշխանությունների պարագայում, պարտավորությունների կատարման պատասխանատվությունը ոչ թե կրկնակի կամ եռակի, այլ հազարապատիկ է ավելացել, քանի որ այո ընտրված եք ազատ և արդար ընտրությունների արդյունքում:

Բայց ազատ և արդար ընտրություններով ընտրվելով չի սահմանափակվում լեգիտիմությունը, այլ այն պահպանվում է ընտրվելուց հետո որպես իշխանություն ունեցող պաշտոնատար անձ գործելակերպով, պարտավորությունների կատարման արդյունքներով ու պատասխանատվության գիտակցման մասին վկայող համարժեք բառապաշարի օգտագործման կամ գործելակերպի շնորհիվ:

Նաև, լիազորություններն օրենքով տրված են միմիայն այդ վերցրած պարտավորթյունների կատարման համար, ոչ թե սեփական թերարժեքությունը լրացնելու կամ պատկերացրածը համար:

Դուր է գալիս, թե ոչ / եթե դուր չի գալիս, ապա կարող եք հանգիստ հրաժարվել ու ազատվել զբաղեցրած պաշտոնից/, պետք է գործեք հաշվետու և թափանցիկ և բարեվարք, ու այդ ամենի մասին հիշեցումներից, եթե շատ եք նեղվում, պնդելով, թե ով ենք որ հիշեցում ենք անում կամ իրավունք չունենք հիշեցնել, ապա ասեմ, Դուք չէ, որ պետք է ասեք թե ինչ անենք, այլ այո ՀՀ ցանկացած քաղաքացի կարող է և իրավունք ունի հիշեցնել Ձեզ Ձեր պարտավորությունների կատարման մասին, անկախ այդ քաղաքացիների կարգավիճակից, ու թե որ կազմակերպության ներկայացուցիչ են կամ ներկայացուցիչ չեն, կամ Ձեր կամ որոշ նախկինների քիմքին համապատասխանում է այդ կազմակերպության անվանումը, թե ոչ: Իսկ փորձել հիշեցումներից պաշտպանվել ընտրվածությամբ, ապա նորից կրկնեմ, ընտրված լինելը ոչ թե պաշտպանիչ վահան է, այլ պարտավորություն, պահանջում է համարձակություն, և վստահություն ժողովրդավարական և մարդու իրավունքների արժեքների նկատմամբ, ոչ թե այդ արժեքները ոտնատակ անողների հետ, իբր թե կարճաժամկետ ապահովության համար, միևնույն դաշտում գտնվելու վախկոտ պահվածք:

Ուրեմն պարբերաբար հիշեցնելու ենք, որ պարտավոր եք գործել հաշվետու և թափանցիկ, բարեվարք կառավարման սկզբունքներին, ժողովրդավարության և մարդու իրավունքների արժեքներին համապատասխան:

Ազատ և արդար ընտրված իշխանությունն էլ ունի "բնավորություն" ցուցաբերելու ավտորիտար վարքագիծ, եթե չհիշեցնես թե ինչի համար է ընտրվել: Ու պարտավոր չենք ենթադրել, թե հիշում եք:

Հենց նման բառապաշարի օգտագործումն է արդեն վկայում, որ հիշողության կորուստներ լինում են, գուցե և ոչ, մենք ենք սխալվել, թե նույն արժեքներն ենք հիշում: Ոչինչ դա էլ է ուղղելի:

Եվ ևս մեկ կարևոր հանգամանք:

Տարատեսակ, նախկին պետությունը զավթածների ճղճիմ մանիպուլիացիաներին տուրք տալով, փորձել նման տոնով խոսել Ձեր պարտավորությունների կատարման մասին հիշեցնողների ու գործընկերների մասին, նշանակում է այնքան անվստահ լինել սեփական համոզմունքներում, որ չեք կարողանում չդառնալ մանիպուլիացիաների զոհը:

Փույթ չէ: Եթե համոզմունքների վրա հիմնված ու նման ոճով եք նպատակահարմար համարում արտահայտվել, ապա
խնդիր չէ, ուղղակի իմանանք:

Հեղափոխությունը ոչ ոք, այդ թվում Դուք, սեփականաշնորհելու որևէ իրավունք ու հիմքեր չունեք:

Ինչպես հայտնի ֆիմում էր ասվում, «նստել ենք, թե Ալեքսանդր 1-ի, թե Նիկոյալ 1-ի, թե Նիկոլայ 2-րդի օրոք», "նստելուց" ոչ ոք չի զգուշանում կամ խուճապի մատնվում:

newsline.am