Մեղադրյալ Ռ.Քոչարյանը հարցազրույց է տալիս, և ի տարբերություն իր կառավարման ժամանակների՝ հեռուստատեսությունն անարգել աշխատում էր

June 25, 2019

Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը Ֆեյսբուքի իր էջում գրել է․

«Յուրաքանչյուր ոք ունի կարծիքի արտահայտման ազատության իրավունք, այդ թվում մեղադրյալ Ռ.Քոչարյանը։

Մեղադրյալ Ռ.Քոչարյանը հարցազրույց է տալիս, չէ՞, իմացա տեղեկատվական հոսքից, չեմ դիտել: Եվ ի տարբերություն իր կառավարման ժամանակների՝ հեռուստատեսությունն անարգել աշխատում էր, չէ՞:

Եթե 5-րդ ալիքի ղեկավարությանը ԱԱԾ-ից, կամ ոստիկանությունից, կամ ՀՌԱՀ-ից կամ կառավարությունից, կամ նախագահականից որևէ զանգ լինի, կամ անհանգստացնող լինի՝ մեղադրյալ Ռ.Քոչարյանի հարցազրույց տալու փաստի հետ կապված, հուսով եմ կիմանանք, անպայման կբարձրաձայնեն:

Դե իսկ մեղադրյալ Ռ. Քոչարյանի հարցազրույցի փաստի և բովանդակության վերաբերյալ հանրային ընկալումները, գնահատականները, մոտեցումները, բնական են, դրանց հետ ոչինչ անել չեն կարող, ոչ էլ կարող են արգելել:

Իհարկե բացի ֆիզիկական բռնության սպառնալիքներից, որից պաշտպանվելու իրավունք ունի յուրաքանչյուր ոք, այդ թվում մեղադրյալ Ռ.Քոչարյանը, որը իրավապահ մարմինների պարտավորությունն է:

Բայց մի հարց էլի, մեղադրյալ Ռ. Քոչարյանն ասում էր, էլի մեղավոր չէ՞, ոչնչից տեղյակ չի եղե՞լ, բայց որ տեղյակ լիներ, կասեր, որ ճիշտ են արե՞լ, ու միայն-միայն դրա համար էր հարցազրույցը տալի՞ս»:

Դիտումներ՝ 850