Հելսինկյան քաղաքացիական ասամբլեայի Վանաձորի գրասենյակ

ՀՔԱ Վանաձորի գրասենյակը հայտարարում է մրցույթ՝ գրասենյակի վարչական օգնականի թափուր աշխատատեղի համար:

Հիմնական պարտականությունները.

• Կազմակերպության կողմից ուղարկվող և ստացված գրությունների մուտքագրում

• Ուղարկված գրությունների (տեղեկատվության հարցումների, դիմումների, հայցադիմումների և այլն) ժամանակացույցի պահպանում, իրազեկում, աջակցություն՝ գրասենյակից դուրս փաստաթղթեր փոխանցելու հարցում
• Ուղարկված գրությունների և դրանց պատասխանների վիճակագրության կազմում
• Կազմակերպության փաստաթղթերի սկանավորում, պատճենահանում
• Ադմինիստրատիվ և կազմակերպչական աշխատանքների իրականացման աջակցություն
• Արագ արձագանքում, հեռախոսազանգերի ընդունում, վերահասցեագրում
• Կազմակերպության գրադարանի կարգավորում

Անհրաժեշտ հմտություններ, որակներ

• Բարձրագույն կրթություն 
• Համակարգչային հմտություններ (word, excel, e-mail)
• Հայերեն լեզվի գերազանց իմացություն, ռուսերեն և անգլերեն  լեզվի իմացությունը ցանկալի է
• Աշխատանքային փորձը ցանկալի է
• Հաղորդակցվելու և թիմային աշխատանքի հմտություններ
• Հասարակական, քաղաքացիական ակտիվություն և մարդու իրավունքների պաշտպանությամբ հետաքրքրվածություն
• Արտակարգ իրավիճակներում արագ կողմնորոշվելու հմտություն և ճկունություն
• Ստեղծագործական, նորարարական մոտեցման ունակություններ
• Անհրաժեշտության դեպքում աշխատանքային ժամերից դուրս աշխատելու պատրաստակամություն

• Աշխատանքի տեսակը՝ ամբողջ դրույք
• Ժամկետը՝ 3 ամիս (երկարաձգման հնարավորությամբ)
• Գտնվելու վայրը՝  ք. Վանաձոր, Տիգրան Մեծ 59
• Աշխատաժամեր՝ 9:30-18:30

Դիմել՝ ուղարկելով հետաքրքրության նամակ և հայերեն լեզվով ինքնակենսագրական (PDF ֆորմատով)` hr@hcav.am էլ. փոստի հասցեին մինչև 2019 թ.-ի հոկտեմբերի 20-ը:

Ընտրված թեկնածուները կհրավիրվեն հարցազրույցի:

Կազմակերպության սկզբունքն է` հավասար աշխատանքային հնարավորություններ բոլորի համար, որը հիմնված է անձնական կարողությունների և որակավորման վրա՝ բացառելով որևէ խտրականություն` սեռի, տարիքի, ազգային պատկանելիության, առողջական վիճակի, սոցիալական վիճակի, ռասայի, մաշկի գույնի, սեռական կողմնորոշման կամ կրոնի հիման վրա: Սա վերաբերում է բոլոր գործողություններին և գործընթացներին, ներառյալ անձնակազմի ընտրությունը, ներգրավումը, աշխատանքի ընդունումը, աշխատանքից ազատումը,  աշխատանքի նշանակումը, փոխհատուցումը կամ միջանձնային հարաբերությունները: