Հելսինկյան քաղաքացիական ասամբլեայի Վանաձորի գրասենյակ

Ծառայության նպատակ

«Հելսինկյան քաղաքացիական ասամբլեայի Վանաձորի գրասենյակ» հասարակական կազմակերպությունը աուդիտորական ընկերություններին հրավիրում  է ներկայացնելու հայտեր՝ Եվրոպական միության ֆինանսավորմամբ իրականացվող «Իրավունքներ, ծառայություններ և մասնակցություն, Հայաստանում հոգեկան  առողջության համապարփակ շրջանակի խթանում» դրամաշնորհային ծրագրի ծախսերի ստուգում (expenditure verification) իրականացնելու համար։ 

Ընդհանուր տեղեկություններ

Ծախսերի ստուգումն իրականացվելու է  Եվրոպական միության կողմից սահմանված ընթացակարգերին և տեխնիկական առաջադրանքին համապատասխան:

Ծրագրի տևողությունը երեք տարի է՝ 01/01/2024-31/12/2026 թթ։ 

Պատրաստվելու է երեք տարեկան ֆինանսական հաշվետվություն, որոնցից երկուսը միջանկյալ և մեկը` վերջնական։ Յուրաքանչյուր տարվա ֆինանսական հաշվետվությունը ներառում է տվյալ տարվա հունվարի 1-ից մինչև դեկտեմբերի 31-ն ընկած ժամանակահատվածը։

Ծախսերի ստուգումը համապատասխանաբար իրականացվելու է յուրաքանչյուր տարի՝ ընդհանուր 3 անգամ։

Ժամկետներ

Ծախսերի ստուգման ծառայության մատուցումը նախատեսվում է սկսել հաշվետու տարվան հաջորդող փետրվարի 7-ից։

Ծախսերի ստուգման արդյունքները պետք է ներկայացվեն ֆինանսական տարվան հաջորդող տարվա մարտի 4-ից ոչ ուշ։

Հայտերի  ներկայացման վերջնաժամկետն է  «27» հունվարի 2025 թ․։

Դիմելու ընթացակարգ

Մրցույթին մասնակցելու համար աուդիտորական կազմակերպությունները պետք է հայերենով տեխնիկական և ֆինանսական հայտեր (գնառաջարկներ) ներկայացնեն էլեկտրոնային եղանակով։

Հայտերը պետք է լինեն կնքված, ստորագրված և պետք է ներառեն  հետևյալ տեղեկատվությունը․

1․ Տեխնիկական հայտ

• Տեղեկատվություն աուդիտորական կազմակերպության վերաբերյալ, ներառյալ՝ մրցույթի մասնակցի լրիվ անվանումը, գտնվելու վայրը, հեռախոսահամարը, պետական գրանցման վկայականի, աուդիտորական գործունեությամբ զբաղվելու լիցենզիայի պատճենները,
• ծառայությունների մատուցման բնութագիրը,
• ծառայությունների մատուցման երաշխիքային ժամկետները,
• աուդիտորների ինքնակենսագրականները և աուդիտորների որակավորման և մասնագիտական վերապատրաստման վկայականների պատճենները,
• տեղեկություններ աուդիտն իրականացնող կազմակերպության կողմից դրամաշնորհներ ստացած նմանատիպ կազմակերպություններին մատուցված ծառայությունների վերաբերյալ, մասնավորապես Եվրոպական միության տրամադրած դրամաշնորհային ծրագրերի գծով,
• մրցույթի մասնակցի հայեցողությամբ այլ անհրաժեշտ տեղեկություններ և փաստաթղթեր, որոնք կհաստատեն իր կողմից մատուցվելիք ծառայությունների որակը։

2․ Ֆինանսական հայտ (Գնառաջարկ)

• Գնառաջարկը՝ ծառայությունների մատուցման ընդհանուր գինը, պետք է ներկայացվի ՀՀ դրամով առանց ավելացված արժեքի հարկի՝ հաշվի առնելով, որ ԵՄ ծրագրերով ծառայություններն ազատված են ավելացված արժեքի հարկից։ Գները պետք է ամրագրված լինեն նաև ըստ տարիների և ենթակա չեն փոփոխման Պայմանագրի իրականացման ողջ ընթացքում:

Հայտերը և նշված փաստաթղթերը խնդրում ենք ուղարկել  կազմակերպության  hr@hcav.am  էլեկտրոնային փոստին մինչև 2025 թ․ հունվարի 27-ը՝ նամակի թեմա դաշտում նշելով «Աուդիտ EU_ NEAR/2023/450-396»:

Հավելյալ տեղեկությունների համար խնդրում ենք կապ հաստատել գլխավոր հաշվապահ Մանուշակ Օհանյանի հետ (հեռ.՝  +(374)94102868):