Հելսինկյան քաղաքացիական ասամբլեայի Վանաձորի գրասենյակ
«Անկախ դիտորդ» դաշինքն սկսել է երկարաժամկետ դիտարկումը և հավաքագրում է կարճաժամկետ դիտորդներ
Գործունեություն | Ընտրական գործընթաց | Ընտրելու և հանրաքվեներին մասնակցելու իրավունք | Հրապարակումներ | Նորություններ | Քաղաքացիական վերահսկողություն և մշտադիտարկում
«Անկախ դիտորդ» դաշինքն, ի դեմս՝ Հելսինկյան քաղաքացիական ասամբլեայի Վանաձորի գրասենյակի, Իրազեկ քաղաքացիների միավորման և Ուղղակի ժողովրդավարություն ՀԿ-ի, արդեն սկսել է հունիսի 20-ին նախատեսվող ընտրությունների երկարաժամկետ դիտարկումը։
Մինչ ընտրությունների քարոզչության պաշտոնական մեկնարկը՝ երկարաժամկետ դիտորդություն իրականացնելու են 24 դիտորդներ, քարոզչության մեկնարկից հետո նրանց կմիանան ևս 40-ը։
Ներկայումս «Անկախ դիտորդը» հավաքագրում է կարճաժամկետ դիտորդներ և իրականացնում նախապատրաստական աշխատանքներ․ դիտորդների վերապատրաստման դասընթացները իրականացվելու են մայիսի վերջից։
Կարճաժամկետ դիտորդ դառնալու համար անհրաժեշտ է լրացնել հետևյալ ՀԱՅՏԱԴԻՄՈՒՄԸ
Մանրամասները՝ ԱՅՍՏԵՂ
Քվեարկության օրը դիտարկում կիրականացվի առնվազն 200 ընտրական տեղամասերում և բոլոր Տարածքային ընտրական հանձնաժողովներում:
Ընտրությունների օրվա, ինչպես և նախորդող ժամանակահատվածում խախտումների առնչությամբ իրավական աջակցություն կտրամադրի 25 իրավաբանից կազմված թիմը:
Դիմում ենք բոլոր գործընկերներին և Հայաստանում ժողովրդավարության ամրապնդման ջատագովներին՝ աջակցել դիտորդական առաքելությանը, տարածել տեղեկատվությունը, մասնակցել դիտորդության իրականացմանը և ահազանգել պարտադրանքի, սպառնալիքների, ընտրակաշառքի և ձեզ հայտնի այլ խախտումների մասին:
Հետադարձ կապ
Հելսինկյան քաղաքացիական ասամբլեայի Վանաձորի գրասենյակ
(+374) 322 4 22 68
ՀՔԱ Վանաձորի գրևասենյակի Երևանյան ներկայացուցչություն
(+374) 11 24 22 68
