Հելսինկյան քաղաքացիական ասամբլեայի Վանաձորի գրասենյակ

Հոգեկան առողջության ոլորտը ինչպես աշխարհում, այնպես էլ Հայաստանում կարիք ունի շարունակական ուշադրության ապահովման և բարեփոխումների իրականացման։ Հոգեկան առողջության մասին կարծրատիպեր կոտրելու հարցում էական նշանակություն ունի երիտասարդությունը, մասնավորապես հոգեկան առողջության ոլորտին առնչվող ուսանողները։ Ուստի «Իրավունքներ, ծառայություններ, մասնակցություն. Հայատանում հոգեկան առողջության համապարփակ շրջանակի խթանում» ծրագրի շրջանակներում Մարիետա Թեմուրյանը ՎՊՀ իրավագիտության ֆակուլտետի և հոգեբանության ամբիոնի ուսանողների հետ քննարկեց հոգեկան առողջության մասին կարծրատիպերը, նոր մոտեցումները և ապաինստիտուցիոնալացման գործընթացը Հայաստանում։    

Հոգեկան առողջությունը հաճախ մնում է ստվերում, թեև նույնքան կարևոր է, որքան ֆիզիկական առողջությունը: Հոգեկան առողջությունը մեր կյանքի անբաժանելի մասն է, որն ազդում է մեր բարեկեցության, անձնական զարգացման, փոխհարաբերությունների ու աշխատանքի վրա։