Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Տավուշի մարզի Ակնաղբյուր համայնքի ղեկավարի թեկնածուի անօրինական գործողությունների վերաբերյալ ՀՔԱ Վանաձորի գրասենյակի հանցագործության մասին հաղորդման հիման վրա 2019թ․ փետրվարի 26-ին հարուցվել է քրեական գործ։

ՀՔԱ Վանաձորի գրասենյակը Տավուշի մարզի դատախազություն հանցագործության մասին հաղորդում էր ներկայացրել 2019 թ․ փետրվարի 14-ին, երբ տեղեկություններ էր ստացել այն մասին, որ Ակնաղբյուրի այդ պահին գործող ղեկավարը, որը նաև համայնքի ղեկավարի թեկնածու էր, չարաշահում է վարչական ռեսուրսները, բնակիչներին խոստումներ տալիս և իրականությանը չհամապատասխանող տեղեկանքներ տրամադրում:

Մեր տեղեկություններով՝ այդ տեղեկանքների վրա դրված է եղել համայնքի անասնաբույժի ստորագրությունը, երբ վերջինս հիվանդանոցում է եղել և չէր կարող ստորագրել։

Ոստիկանության Իջևանի բաժնի հետաքննության ավագ տեսուչ Ա․ Սողոմոնյանը վարույթում առկա նյութերն ուսումնասիրել և պարզել է, որ համայնքապետարանի՝ բնակչին տրամադրած տեղեկանքում անասնաբույժ գրառման դիմաց ակնհայտ կեղծ ստորագրություն է դրված։ Քրեական գործ է հարուցվել ՀՀ քրեական օրենսգրքի 314-րդ հոդվածով (Պաշտոնեական կեղծիք)։