(Armenian) Եթե ուզում եք դիտարկել հանրաքվեն «Անկախ դիտորդի» հետ, գրանցվեք
Activities | Electoral Process | Right to Vote and to Participate in a Referendum | Job and training opportunities | Announcements | Publications | Civilian Oversight and Monitoring
2020 թ. ապրիլի 5-ին նշանակված սահմանադրական փոփոխությունների հանրաքվեն կարևոր կետ է դառնալու 2018 թ․ ապրիլ-մայիսի ժողովրդական շարժման արդյունքում ժողովրդավարական անդառնալի փոփոխությունների համար։ Ինչպես 2018 թ.-ի Երևանի ավագանու և Ազգային ժողովի արտահերթ ընտրությունները, այս հանրաքվեի իրավական շրջանակը, քարոզչությունը, ֆինանսավորումը և ֆինանսավորման աղբյուրների հնարավոր ազդեցությունը, ինչպես և բուն քվեարկությունը ու արդյունքների ամփոփումը կանխորոշելու են Հայաստանի Հանրապետության և հայաստանյան հասարակության ժողովրդավարական զարգացման վեկտորը։
Առանց ազատ, թափանցիկ և արդար ընտրական գործընթացների՝ հնարավոր չէ կայուն ժողովրդավարության կայացումը Հայաստանում, իսկ ընտրական գործընթացներում ընտրողների կամքի ազատ արտահայտման ապահովման գլխավոր գրավականներից է քաղաքացիական արդյունավետ վերահսկողությունը։
«Անկախ դիտորդ» դաշինքը ապրիլի 5-ի սահմանադրական փոփոխությունների հանրաքվեի դիտորդական առաքելությունն իրականացնելու է հետևյալ կազմով.
- Հելսինկյան քաղաքացիական ասամբլեայի Վանաձորի գրասենյակ,
- «ՄԻՏՔ» կրթական-երիտասարդական նախաձեռնություն,
- «Ուղղակի ժողովրդավարություն» հասարակական կազմակերպություն,
- Մարդու իրավունքների եզդիական կենտրոն,
- Հասարակագիտական հետազոտությունների առաջատար խումբ,
- «Ձեղնահարկ» վերլուծական-հետազոտական կենտրոն,
- «Ռեստարտ Գյումրի» ուսանողական-քաղաքացիական նախաձեռնություն
Այս կազմակերպություններից դուրս «Անկախ դիտորդ» դաշինքը բաց է համագործակցության համար այլ հասարակական կազմակերպությունների, լրատվամիջոցների, քաղաքացիական խմբերի և անհատների հետ, որոնք առաջնահերթ կարևորում են ընտրողների ազատ կամարտահայտման իրավունքը և չեն հանդուրժում ընտրական գործընթացները վտանգող որևէ անհարկի միջամտություն կամ չարաշահում։
Դաշինքի համակարգող թիմը իր խորին երախտագիտությունն է հայտնում առաքելությունն իրականացնելու պատրաստակամություն հայտնած բոլոր կամավորներին։ Այնուամենայնիվ, հարկ ենք համարում նշել, որ Դաշինքին հաջողվել է առաքելությունն իրականացնելու նպատակով անհրաժեշտ ֆինանսավորում հայթայթել։ Դիտորդների աշխատանքը և անհրաժեշտ ծախսերը փոխհատուցվելու են, իսկ քարոզարշավի կանոնավոր երկարաժամկետ դիտորդությունը մեկնարկել է 2020 թ. մարտի 2-ից։
| Դիտորդների գրանցման ձևը |
Feedback
Helsinki Citizens Assembly-Vanadzor
(+374) 322 4 22 68
HCA Vanadzors representative office in Yerevan
(+374) 11 24 22 68
Leave a Reply