Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

ՀՀ-ում աշխատանքային իրավունքների մասին տեղեկացվածությունը շատ ցածր է․ «Աշխատանքային իրավունքների պաշտպանությունը Հայաստանում՝ Մարտահրավերներ և հնարավորություններ» աշխատաժողովի ընթացքում այս կարծիքը հայտնեց ԵՄ պատվիրակության Համագործակցության ղեկավար Ֆրենկ Հեսսը։

«Հայաստանը, որ ընտրել է ժողովրդավարական երկիր դառնալու ուղին, պետք է այնպես անի, որ գործատուների և աշխատողների իրավունքները պաշտպանված լինեն։ Այն հասարակությունը, որտեղ պաշտպանված են քաղաքացիների իրավունքները, ավելի պրոդուկտիվ է։

ԵՄ-ն այն կարծիքին է, որ երկիրը կարող է լավ գործել և ապրել այն դեպքում, երբ բոլորը ներգրավված են, բոլորի կարծիքը լսելի է և բոլոր հանդեպ կա հարգանք, ինչպես նաև բոլորը պաշտպանված են։ Այլ կերպ ասած՝ սոցիալական երկխոսությունը շատ կարևոր է ցանկացած կազմակերպության համար, և այն մեխանիզմները, որոնք ներդրված են այդ երկխոսությունն ապահովելու համար, հենց աշխատանքային իրավունքներն են։ «Յուրաքանչյուրն ունի աշխատավայրում արդար վերաբերմունքի արժանանալու իրավունք։ Յուրաքանչյուրն արժանի է ունենալ աշխատանք և վաստակել»,- նշեց Ֆրենկ Հեսսը։ ԵՄ պատվիրակության Համագործակցության ղեկավարն ընդգծեց, որ աշխատանքային իրավունքների պաշտպանության հարցում առկա մարտահրավերների հաղթահարման համար պետք է կենտրոնանալ երեք հիմնական գործողության վրա՝ տեղեկացնել, հարգել և պաշտպանել։ Մանրամասները՝ տեսանյութում։

Ամբողջական հոդվածը կարող եք կարդալ այս հասցեով՝ https://factor.am/606520.html?fbclid=IwAR28P8G7Wp90B4n8u_QAudsfq-h3OMNxPZN3CoaA7iHKRK2LTCkt27EGJgA

© factor.am