Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

«Անկախ դիտորդ» հասարակական դաշինքը մարտի 26-ին դիտորդական առաքելություն է իրականացնելու Անի և Սիսիան համայնքների ՏԻՄ ընտրություններում :

Երկու համայնքներում էլ ընտրությունները տեղի էին  ունեցել 2022թ․ սեպտեմբերի 25-ին, սակայն երկուսի դեպքում էլ ուժերից որևէ մեկի ստացած մանդատները չէին բավարարել համայնքի ղեկավարի պաշտոնը ստանձնելու համար, իսկ ավագանու կողմից ընտրությունը չէր կայացել, արդյունքում տեղական ինքնակառավարման մարմիններ չէին ձևավորվել։

• Անի համայնքում նախորդ ընտրություններին առաջադրվել էր 2 կուսակցություն և 1 կուսակցությունների դաշինք։                                     

Մարտի 26-ին այդ համայնքում ընտրություններին կմասնակցի 3 կուսակցություն և 1 կուսակցությունների դաշինք։

• Սիսիան համայնքում նախորդ ընտրությունների առաջադրվել էր 5 կուսակցություն և 2 կուսակցությունների դաշինք։                                           

Մարտի 26-ին այդ համայնքում ընտրություններին կմասնակցի 3 կուսակցություն։

Առաքելությունը 8 շրջիկ խմբերով դիտարկելու է.

 • տեղամասային ընտրական հանձնաժողովների առավոտյան նիստերը,

 • տեղամասային կենտրոնների մատչելիությունը և կահավորումը,

 • քվեարկության ընթացքը, 

 • բնակավայրերում ընդհանուր իրավիճակը և մասնակից կուսակցությունների / դաշինքների վարքագիծը

 • տեղամասային ընտրական հանձնաժողովների քվեարկության արդյունքների ամփոփման նիստը

Ընտրությունները սպասարկող 2 Ընտրատարածքային ընտրական հանձնաժողովներում դիտարկվելու է

 • տեղամասերից ժամանող արդյունքների ընդունումը, արձանագրությունների և գրանցամատյանների ուսումնասիրությունը

 • արդյունքների աղյուսակավորումը

 • ԸԸՀ-ում այլ ընթացակարգերի պահպանումը և ընդհանուր իրավիճակը

Դաշինքը ընտրությունների ընթացքի վերաբերյալ մամուլի հաղորդագրություններ կտարածի մարտի 26-ի ժամը 15:00-ին և 19:00-ին,  մարտի 27-ին՝ ՏԻՄ ընտրությունների նախնական գնահատականը ներկայացնելով:

Ընթացիկ տեղեկատվության համար կարող եք մեզ հետևել 

Telegram: https://t.me/AnkakhDitord

Facebook: Անկախ դիտորդ - Independent Observer

Կապ հաստատելու համար.

Դիտորդական առաքելության խոսնակ՝  Դանիել Իոաննիսյան   093 742244,  danioanis@gmail.com 

E-mail: independentobserverarm@gmail.com

«Անկախ դիտորդ» հասարակական դաշինքը երկարաժամկետ և կարճաժամկետ դիտորդական առաքելություն է իրականացնում հետևյալ կազմով․

 •   Հելսինկյան Քաղաքացիական Ասամբլեայի Վանաձորի գրասենյակ

 •  Իրազեկ քաղաքացիների միավորում

Դիտորդական առաքելությունն իրականացվում է Պրահայի քաղաքացիական հասարակության կենտրոնի և Ժողովրդավարության եվրոպական հիմնադրամի ֆինանսավորմամբ «Անկախ դիտորդ - տեղական ընտրություններ 2022» ծրագրի շրջանակներում:

Այս հրապարակման բովանդակության համար պատասխանատվություն է կրում Անկախ դիտորդ հասարակական դաշինքը, և պարտադիր չէ, որ արտահայտի ֆինանսավորող կազմակերպության տեսակետները։