Հելսինկյան քաղաքացիական ասամբլեայի Վանաձորի գրասենյակ

ՀՀ ոստիկանության համակարգում 2008-ից գործող ձերբակալվածներին պահելու վայրերի (ՁՊՎ) ներքին կանոնակարգը նոր խմբագրությամբ դրվել է հանրային քննարկման։

Հելսինկյան քաղաքացիական ասամբլեայի Վանաձորի գրասենյակը բազմիցս ահազանգել է ՁՊՎ-ներում պահվող անձանց իրավունքների պարբերական խախտումների մասին։ Պարբերական խախտումներն արձանագրել է նաև ՀՀ մարդու իրավունքների պաշտպանը՝ որպես կանխարգելման ազգային մեխանիզմ։

Թեև Նախագծի հիմնավորման մեջ նշված է, որ վերջինիս ընդունումը պայմանավորված է ՁՊՎ-ների գործունեությունը միջազգային չափանիշներին համապատասխանեցնելու և ՁՊՎ-ներում պահվող անձանց իրավունքների պաշտպանության անհրաժեշտությամբ, այնուամենայնիվ մի շարք խնդիրներ, որոնք արձանագրվել են դեռևս 2006 թվականին, շարունակում են մնալ չլուծված։

ՀՔԱՎ-ը, հաշվի առնելով միջազգային օրենսդրությունը և իրավակիրառ պրակտիկան, մշակել է 21 առաջարկություն՝ հետևյալ ոլորտների վերաբերյալ․ 

1. ՁՊՎ ընդունվող և պահվող անձանց բժշկական զննությունը, 

2. խուզարկության ընթացակարգը, 

3. ձերբակալված և կալանավորված անձանց ՁՊՎ ընդունելու հիմքերն ու կարգը,

4. պահվող անձանց նյութակենցաղային ապահովումը, 

5. պահվող անձանցից առաջարկներ, դիմումներ և բողոքներ ընդունելը, 

6. ՁՊՎ-ում կանանց և անչափահասներին պահելու պայմանների առանձնահատկությունները,

7.  պահվող անձանց բացօթյա զբոսանքը,

8.  փաստաբանի կամ պաշտպանի և մերձավոր ազգականի հետ տեսակցելը,

9. ձերբակալվածներին ՁՊՎ-ից ազատելու հիմքերն ու կարգը։ 

Առաջարկությունների փաթեթն ամբողջությամբ հասանելի է այստեղ