Հելսինկյան քաղաքացիական ասամբլեայի Վանաձորի գրասենյակ

«Արժանապատիվ աշխատանք հիմա» ծրագրի շրջանակներում մենք շարունակում ենք արձանագրել հաջողության պատմություններ։ 

ՀՔԱՎ-ի իրավական աջակցությամբ, փաստաբան Տիրուհի Վարդանյանի ջանքերով վերականգնվել են «Ավտոգեն-Մ» ՍՊԸ-ի նախկին աշխատակիցներից 42-ի արդար վարձատրության իրավունքը:

«Ավտոգեն-Մ»-ի աշխատակիցները չէին ստացել իրենց աշխատավարձերը 2014 մինչև 2023թթ ընկած ժամանակահատվածում՝ տարբեր ամիսների համար։ Համաձայն Աշխատանքային օրենսգրքի 129-րդ հոդվածի առաջին մասի՝ «Աշխատավարձը յուրաքանչյուր ամիս հաշվարկվում և աշխատանքային օրերին վճարվում է աշխատողին ամսական առնվազն մեկ անգամ` մինչև հաջորդ ամսվա 15-ը»:

ՀՔԱՎ-ի աջակցությամբ «Ավտոգեն-Մ»-ի նախկին աշխատակիցները դիմումներ են ներկայացրել ՀՀ առողջապահական և աշխատանքի տեսչական մարմնին, հարուցվել է վարույթ, որի արդյունքում «Ավտոգեն-Մ» ՍՊԸ-ն վճարել է աշխատողների չվճարված աշխատավարձերը, որն ընդհանուր կազմել է 8 104 900 դրամ։

Մեր մյուս հաջողության պատմություններին կարող եք ծանոթանալ ՀՔԱՎ կայքի «Հաջողության պատմություններ» բաժնում։ Աշխատանքային իրավունքների վերականգնման նախորդ հաջողության պատմությունը՝ ԱՅՍՏԵՂ։ 

Մենք շարունակում ենք անվճար իրավաբանական աջակցություն տրամադրել՝ վերականգնելու խախտված աշխատանքային իրավունքները։ Զանգեք կամ գրեք մեզ՝

041 123302

Արժանապատիվ աշխատանք հիմա՛