Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Հաստիքի անվանումը

Օրենսդրական վերլուծությունների և նախաձեռնությունների մասնագետ

Հիմնական պարտականությունները 

Աջակցում է բաժնի համակարգողին իրականացնելու օրենսդրական վելուծություններ և կազմակերպության ներկայացված առաջարկությունների ջատագովությունը:  

Մասնավորապես

• Ծրագրի շրջանակներում իրականացված թեմատիկ մոնիթորինգների և այլ ծրագրային գործողությունների արդյունքում մշակված օրենսդրական բարեփոխումների փաթեթների մշակմանը աջակցություն:
•  Մշակել առաջարկությունների փաթեթ հանրային շահի դատական պաշտպանության ինստիտուտի ներդրման նպատակով:
• Ազգային ժողովի և ՀՀ Կառավարության նիստերի օրակարգերի մշտադիտարկում:
• Անհրաժեշտ ոլորտներում օրենսդրական փոփոխությունների ուսումնասիրություն:
• Միջազգային փորձի ուսումնասիրության հիման վրա օրենսդրական առաջարկությունների մշակում և ներկայացում։
• Հարցումների, դիմումների, տեղեկանքերի, այլ փաստաթղթերի պատրաստում:
•  Ծրագրային հաշվետվությունների պատրաստում (ըստ պահանջի):
• Թվարկված աշխատանքային պարտականությունները սպառիչ չեն և կարող են ընդգրկել այն բոլոր գործողությունները, որոնք անհրաժեշտ կլինեն թվարկված աշխատանքային պարտականությունների կատարման համար:

Անհրաժեշտ հմտություններ, որակներ

• Բարձրագույն իրավաբանական կրթություն
• Աշխատանքային փորձ իրավաբանության ոլորտում
• Վերլուծական հմտություններ
• Հայերեն լեզվի գերազանց իմացություն, օտար լեզուների իմացություն (ցանկալի է)
• Համակարգչային հմտություններ
• Մարդու իրավունքների պաշտպանության վերաբերյալ միջազգային և ներպետկան նորմերի իմացություն
• Հաղորդակցվելու հմտություններ, թիմում աշխատելու կարողություն
• Պատրաստակամություն մասնակցելու մասնագիտական վերապատրաստումների
• Պատրաստակամություն պաշտպանելու կազմակերպության թիրախ խմբերի իրավունքները, ինչպիսիք են հոգեկան առողջության խնդիներ ունեցող, ազատազրկված ու կալանավորված, թմրամիջոց գործածող անձինք, զինծառայողներ ու զորակոչիկներ և այլն:

Կազմակերպության սկզբունքն է` հավասար աշխատանքային հնարավորություններ բոլորի համար, որը հիմնված է անձնական կարողությունների և որակավորման վրա՝ բացառելով որևէ խտրականություն` սեռի, տարիքի, ազգային պատկանելիության, առողջական վիճակի, սոցիալական վիճակի, ռասայի, մաշկի գույնի, սեռական կողմնորոշման կամ կրոնի հիման վրա: Սա վերաբերում է բոլոր գործողություններին և գործընթացներին, ներառյալ անձնակազմի ընտրությունը, ներգրավումը, աշխատանքի ընդունումը, աշխատանքից ազատումը,  աշխատանքի նշանակումը, փոխհատուցումը կամ միջանձնային հարաբերությունները:

Մինչև աշխատանքի անցնելը ընտրված թեկնածուն կանցնի փորձաշրջան՝ մեկ ամիս տևողությամբ:

• Աշխատանքի տեսակը՝ ամբողջ դրույք
• Աշխատանքի պայմաններ՝ մեկ տարի ժամկետով
• Գտնվելու վայրը՝  ք. Երևան
• Աշխատաժամեր՝ 9:30-18:30:

Դիմելու կարգը

Ուղարկել հայերեն լեզվով ինքնակենսագրական, հետաքրքվածության նամակ (PDF ֆորմատով) և նախկինում կատարած իրավական վերլուծություն կամ ոլորտին վերաբերելի այլ աշխատություն` hr@hcav.am էլ. փոստի հասցեին՝ վերնագրի դաշտում նշելով՝ Օրենսդրական վերլուծությունների և նախաձեռնությունների մասնագետի թափուր հաստիքի համար, մինչև 2020 թ. փետրվարի 25-ը:

Ընտրված թեկնածուները կհրավիրվեն հարցազրույցի: