Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

ՀՔԱ Վանաձորի գրասենյակը 2020 թ․ սեպտեմբեր և հոկտեմբեր ամիսներին ՀՀ բոլոր համայնքներում իրականացնում է տեղական ժողովրդավարության մշտադիտարկում: Մշտադիտարկումը իրականացվելու է ինքնագնահատման, գնահատման և փաստաթղթային ուսումնասիրության միջոցով: 

Համայնքների հետ հաղորդակցությունը ապահովելու և բաց աղբյուրներում հասանելի տեղեկատվությունը ուսումնասիրելու համար անհրաժեշտ են մշտադիտարկողներ, որոնք.

✅Կհավաքագրեն համապատասխան համայնքապետարանների կոնտակտային տվյալները

✅Կիրականանցեն տեղեկատվության հարցումները

✅Կուսումնասիրեն համայնքապետարանների կայքէջերը

✅Կամփոփեն և կազմակերպությանը կփոխանցեն ստացված տեղեկատվությունը

Աշխատանքը ամբողջությամբ հեռակա է, փոխհատուցվում է, սակայն պահանջում է նաև հետաքրքրվածություն, նվիրում և համբերատարություն:

Համագործակցության համար,խնդրում ենք, hr@hcav.am էլփոստին ուղարկել ձեր փորձառության, մոտիվացիայի և ՏԻՄ համակարգի բարեփոխումների վերաբերյալ գիտելիքների մասին նամակ (առնվազն 5 տող) և ինքնակենսագրականը (CV)՝ թեմայի դաշտում նշելով «LDM մշտադիտարկող»։

Դիմելու վերջնաժամկետն է սեպտեմբերի 6-ը, հայտերը կուսումնասիրվեն մինչև սեպտեմբերի 9-ը: Վերջնական ընտրությունը կկատարվի մինչև սեպտեմբերի 11-ը:

Ծրագրի ֆինանսական աջակցությունը՝ Հայաստանում Չեխիայի դեսպանատան կողմից:

Կազմակերպության սկզբունքն է` հավասար աշխատանքային հնարավորություններ բոլորի համար, որը հիմնված է անձնական կարողությունների և որակավորման վրա՝ բացառելով որևէ խտրականություն` սեռի, տարիքի, ազգային պատկանելիության, առողջական վիճակի, սոցիալական վիճակի, ռասայի, մաշկի գույնի, սեռական կողմնորոշման կամ կրոնի հիման վրա: Սա վերաբերում է բոլոր գործողություններին և գործընթացներին, ներառյալ անձնակազմի ընտրությունը, ներգրավումը, աշխատանքի ընդունումը, աշխատանքից ազատումը,  աշխատանքի նշանակումը, փոխհատուցումը կամ միջանձնային հարաբերությունները: