Helsinki Citizens' Assembly-Vanadzor

(Armenian) «Ոտքի տակ մի ընկեք, հանգիստ նստեք տեղներդ». Արթուր Սաքունց

September 18, 2019

Media about us

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Իրավապաշտպան Արթուր Սաքունցը Ֆեյսբուք սոցիալական ցանցում գրել է.

 

«ԱԱԾ պետի, հետո ոստիկանապետի և այլ հնարավոր հրաժարականներից կամ պաշտոնաթողումներից ոգևորված մտահոգներին ի գիտություն։

 

Այս իշխանությունը երբեք խուճապի չի կարող մատնվել, որովհետև հիմքը ազնիվ է, ճշմարիտ է ու արդար։

 

Այս իշխանությունը չի կարող խուճապի մատնվել, որովհետև չի գործում կոռուպցիոն կամ կրիմինալ տրամաբանությամբ և որևէ նման մարտահրավերներով սահմանափակված չէ։

 

Այս իշխանությունը չի կարող խուճապի մատնվել նույնիսկ Ձեր կրիմինալ, հակասահմանադրական գործողություններից։

 

Այս իշխանությունը խուճապի մատնվելու որևէ պատճառ չունի, որովհետև չի լափել, չի խժռել, չի սպանել Ձեր նման։ Այդ Դուք եք խուճապի մատնված, որ լափելու, խժռելու, սպանելու համար և՜ քաղաքական և՜ իրավական պատասխանատվություն եք կրում ու անխուսափելիորեն կրելու եք։ Ձեր կառավարման, փոխանցովի փակ ցիկլն այլևս չկա, գոյություն չունի, հանգստացեք, սառը ջուր խմեք։

 

Այս իշխանությունը հեռանալու է միմիայն ազատ և արդար ընտրություններով և իշխանությունն այլևս ազատ և արդար ընտրությունների միջոցով է ձևավորվելու, որը որպես սահմանադրական կարգ հենց Դուք էիք ոչնչացրել։

 

Այս իշխանությունը կազմող քաղաքական ուժը իշխանությունից հեռանալու է, եթե չկատարի ժողովրդավարական, իրավական, սոցիալական և ինքնիշխան պետության վերականգնման խնդիրները։

 

Մյուս քաղաքական ուժերն էլ, որոնք հավակնում են իրականցնել իշխանություն, վերստին պետք է ջանքեր գործադրեն ժողովրդավարության, իրավական, սոցիալական և ինքնիշխան պետության վերականգնման ուղղությամբ։

 

Այսպիսին է լինելու ՀՀ֊ում քաղաքական համակարգի տրամաբանությունը և արժեքային հիմքը։

 

Այս իշխանությունը քննադատվում և քննադատվելու է միմիայն մարդու իրավունքների, ժողովրդավարական զարգացումներում բացթողումների, ոչ պատշաճ կատարման համար։

 

Այս իշխանությունը արդյունք է ժողովրդական, բացառիկ ոչ բռնի, թավշյա հեղափոխության, որը մտահոգներդ համարում եք հակասահմանադրական։ Բնականաբար, այդպես եք համարելու, քանի որ Ձեր համար պետության զավթումն է հանդիսանում սահմանադրական, մարդկանց և պետության աղքատացնելն է հանդիսանում սահմանադրական, կրթության համակարգը ոչնչացնելու, կրթություն չստացածների կամ կիսակրթվածների թվի աճն ու Ձեր երեխաներին էլիտար դպրոցներում սովորեցնելն եք համարում սահմանադրական։

 

Կարճ ասած, ոտքի տակ մի ընկեք հա, հանգիստ նստեք տեղներդ»:

 

medialab.am

views: 791

Leave a Reply

Your email address will not be published. Required fields are marked *

Feedback

Select the relevant connection

  • Font size
    A A A
  • Font
    arial verdana tahoma
  • Thickness
    regular light bold
  • Spacing
    1px 2px 3px
  • Color scheme
    Black on a white background White on a black background
  • Background color
  • Text color