0 8000 12 11

Մարդու իրավունքների պաշտպանության անվճար թեժ գիծ
menu
slide1
Կարողությունների զարգացում

Քարոզարշավին հետևած դիտորդները էական առաջընթաց են արձանագրում

December 8, 2018

Լրատվամիջոցները մեր մասին

Արտահերթ խորհրդարանական ընտրությունների քարոզարշավի ողջ ընթացքին հետևած դիտորդական կազմակերպությունները էական առաջընթաց են նկատում 2017-ի ընտրությունների համեմատ։

«Խորհրդարանական ընտրությունների կազմակերպման նախընտրական փուլը եղել է հիմնականում ազատ, մրցակցային և խաղաղ ընտրապայքարի պայմաններում, ինչը էապես տարբերվում է նախորդ տարվա խորհրդարանական ընտրություններից», - այսօր հայտարարեց մի քանի կազմակերպությունների միավորող «Ականտես» դիտորդական առաքելության ներկայացուցիչ Ալեքսել Պետրոսյանը:

Նրա խոսքով՝ 2017-ի ընտրությունների գլխավոր խնդիրները՝ ընտրական կաշառքի ու այսպես կոչված նախընտրական բարեգործության համակարգված դեպքեր չեն արձանագրել․ - «Ուզում եմ շեշտել, որ այս ընտրությունների դեպքում դրանք չեն կրելի համակարգված բնույթ: Հիմնականում առանձին դրվագներ էին»:

«Ականտես»-ի ներկայացուցիչները արձանագրել են վարչական ռեսուրսի չարաշահման դեպքեր։ Պետական համայնքային որոշ կառույցներում ծառայողները քարոզչություն են իրականցրել աշխատանքի վարում, որոշ դեպքերում էլ ընտրական հանձնաժողովի անդամներն են մասնակցել քարոզչությանը։ Թե որ ուժերի մասին է այս տեղեկությունը՝ «Ականատեսը» խոստանում է հրապարակել ավելի ուշ:

«Վարչական ռեսուրսի չարաշահման մասով արձանագրվել են խնդիրներ, սակայն ոչ այն ծավալով, ինչպես նախորդ ընտրությունների ընթացքում», - նաև նշեց Ալեքսեյ Պետրոսյանը:

«Անկախ դիտորդ» առաքելությունը իր հերթին նկատել է քարոզչական կանոնների խախտման դեպքեր:

«Նախընտրական քարոզչության կանոնների 325 խախտումներից 16-ը վերաբերում է «Իմ քայլին», բայց նման խախտումներ արձանագրվել է նաև ԲՀԿ և «Սասնա ծռեր» կուսակցությունների կողմից», - մանրամասնեց «Անկախ դիտորդի» ներկայացուցիչ Արթուր Սաքունցը:

Ամփոփելով իրենց դիտորդների նկատած խախտումները, Սաքունցն ասում է՝ չի եղել ընտրական ու վարչական չարաշահումների համակարգում մեկ կամ մի քանի կենտրոններից, և ըստ նրա՝ ամենակարևորը, չեն եղել փորձեր վախեցնելու կամ ճնշելու ընտրողներին․ - «Կարող ենք արձանագրել, որ զերծ ենք մնացել համակարգված, կազմակերպված, շարունակական ընտրական իրավունքների խախտման մեխանիզմներից, որը մենք նախորդ ժամանակաընթացքում արձանագրել ենք: Այնուամենայնիվ, առանձին դրսևորումներ դեռևս կարող են լինել, որովհետև դրա համար նպաստավոր մեխանիզմ են հանդիսանում տարածքային ցուցակները»:

Արտահերթ խորհրդարանական այս ընտրություններին ընտրական հանձնաժողովներում Հանրապետական կուսակցությունը կունենա ամենամեծ թվով ներակայացուցիչները, ԲՀԿ-ն կլինի 2-րդը՝ այն համամասնությամբ, ինչպես բաշխված են պատգամավորի տեղերը արդեն լուծարված 6-րդ գումարման խորհրդարանում։ Արթուր Սաքունցից հետաքրքրվեցինք, ինչպես պետք է հանձնաժողովի նույն անդամները, որոնց նախկինում մեղադրում էին խախտումները չգրանցելու մեջ, այս անգամ կարողանան չշեղվել օրենքի պահանջներից։

«Մարդիկ նույնն են, բայց պահանջը տարբեր է: Անպատժելիությունը պայմանավորված էր ոչ թե նրանով, որ այդ նույն հանձնաժողովների անդամները աչք էին փակում,ուղղակի գիտեին, որ որևիցե հետևանք չեն ունենալու: Իսկ անպատժելիության մթնոլորտը վերացած է», - ասաց Սաքունցը:

«Անկախ դիտորդ» և «Ականատես» դիտորդական առաքելությունները կծածկեն Հայաստանի 600 ընտրատեղամասեր, կաշխատեն նաև շրջիկ խմբեր և իրավաբաններ։

 

azatutyun.am

Դիտումներ՝ 18

Leave a Reply

Your email address will not be published. Required fields are marked *

Հետադարձ կապ

Ընտրել համապատասխան կապը

Ընտրեք տեքստի դիտման
Ձեզ մատչելի տարբերակը

Ընթացիկ հայտարարություններ

  • Տառաչափ
    A A A
  • Տառատեսակ
    arial verdana tahoma
  • Հաստություն
    regular light bold
  • Հեռավորություն
    1px 2px 3px
  • Գունային սխեմա
    Սևով սպիտակի վրա Սպիտակով սևի վրա
  • Ֆոնի գույնը
  • Տեքստի գույնը