Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

«Սամվել Բաբայանի համակիրների ճանապարհը փակել են և կրակահերթ արձակել նրանց ուղղությամբ». այսպիսի պնդում է անում Բաբայանի գրասենյակը: Կրակոցների համար Բաբայանի թիմը մեղադրում է Արցախի նախկին վարչապետ Արայիկ Հարությունյանին, որը առաջադրվելու է Արցախի նախագահի թեկնածու: Նա սատարում է Հայաստանի իշխանություններին, Հայաստանի վարչապետ Նիկոլ Փաշինանն էլ մեկ անգամ կոչ էր արել արցախցիներին, որպեսզի առաջիակա ընտրություններում սատարեն այն ուժին, ովքեր սատարում են Հայաստանի իշխանություններին: Ուշագրավ դիտարկումներ կարո՞ղ ենք անել՝ Բաբայանի գրասենյակի հայտարարությն և այս առնչությունների կապակցությամբ: «Առաջին լրատվական»-ի այս հարցին ի պատասխան՝ Հելսինկյան քաղաքացիական ասամբլեայի Վանաձորի գրասենյակի նախագահ, իրավապաշտպան Արթուր Սաքունցը մասնավորապես ասաց. «Իհարկե, առաջին հերթին կարևոր է այն մթնոլորտը և այն իրավիճակը, որը պետք է և կարող է ստեղծվել Արցախի նախագահի ընտրությունների հետ կապված: Ցավում եմ, որ դեռ այդ միտումը կա, որ հրազենի օգտագործումը կամ ուժային մեթոդները դեռևս կարող են ընդունելի լինել, կամ ինչ-որ մարդիկ համարեն նախընտրական պայքարի ընթացքում կիրառելու միջոց. դա է, իհարկե, մտահոգիչը: Պարզ է, որ այդ ուղղությամբ պետք է անպայման քննություն իրականացվի, թե ինչքանով են հիմնավոր, և որոնք են եղել նման ավազակային գործողություն, քրեական հանցագործություն կատարելու բուն շարժառիթները: Մյուս կողմից էլ կարևոր է Արցախի իրավապահ մարմինների պահվածքը: Բոլոր դեպքերում,առավել կարևոր է ոչ թե այն՝ ով ում է աջակցում, կամ ով ինչ հավակնություններ ունի, այլ որ՝ նախընտրական պայքարը ընթանա բացառիկ օրինականության սահմաններում»:

«Կարծում եմ, որ առավել կարևոր է, որ Արցախը ժողովրդավարական պետության` թեկուզ չճանաչված պետության իր իմիջը պահպանի այս քաղաքական գործընթացներում: Եվ սա փորձություն է հենց Արցախի քաղաքական ուժերի համար, թեկնածուների համար»,- նշեց իրավապաշտպանը:

1in.am