Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Արդարադատության նախարարի տեղակալ Տիգրան Խաչիկյանն այսօր ընդունել է Քրեակատարողական հիմնարկներում և մարմիններում հասարակական վերահսկողություն իրականացնող դիտորդական խմբի անդամներին:

Տիգրան Խաչիկյանը, ողջունելով Խմբի անդամներին, վերահաստատել է Նախարարության՝ նախկինում ձևավորված արդյունավետ համագործակցության շարունակականությունն ապահովելու և խորացնելու պատրաստակամությունը:

Հանդիպման ընթացքում անդրադարձ է կատարվել այնպիսի հարցերի, ինչպիսիք են՝ քրեակատարողական հիմնարկների վարչակազմերի գործողությունների և անգործության դատական բողոքարկման օրենսդրական մեխանիզմների ներդրումը, որակյալ բուժծառայության մատուցումը, ինչպես նաև քրեական միջավայրի ստեղծման քրեականացմանն առնչվող օրենսդրական նախագիծն ու մի շարք այլ հարցեր:

Փոխնախարարը հավաստիացրել է Խմբի անդամներին, որ քրեակատարողական ոլորտում իրականացվող քաղաքականության շրջանակում Նախարարության կողմից բովանդակային քննարկման կարժանանան Խմբի ներկայացրած բոլոր առաջարկներն ու դիտարկումները:

Ամփոփելով հանդիպումը՝ Տիգրան Խաչիկյանը վերահաստատել է որոշակի պարբերականությամբ Խմբի անդամների հետ հանդիպելու իր պատրաստակամությունը՝ քրեակատարողական համակարգի խնդիրներին կառուցողական երկխոսության դաշտում համատեղ լուծումներ գտնելու նպատակով:

moj.am