0 8000 12 11

FREE Hotline to report human rights violations

(Armenian) ՀՔԱ Վանաձորի գրասենյակը ՀՀ ոստիկանության բարեփոխման վերաբերյալ իրավական վերլուծություն և առաջարկներ է ներկայացրել

October 21, 2019

Activities | Law Enforcement Practice Analysis | Publications | News | State Institutions | Civilian Oversight and Monitoring | Legislative Proposals | Legislative Proposals and Analysis

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Հելսինկյան քաղաքացիական ասամբլեայի Վանաձորի գրասենյակը դեռևս 2019 թ․ապրիլին ՀՀ ոստիկանություն, ՀՀ արդարադատության նախարարություն, ՀՀ ԱԺ պաշտպանության և անվտանգության հարցերի, ինչպես նաև պետական-իրավական հարցերի մշտական հանձնաժողովներ և ՀՀ վարչապետի աշխատակազմի պետաիրավական վարչություն դիտարկումներ ստանալու ակնկալիքով ուղարկել էր «ՀՀ ոստիկանության կազմակերպման և գործունեության կարգավորիչ դաշտի մոնիթորինգի և իրավահամեմատական վերլուծության ծրագիր»։ Հունիսին զեկույցն ուղարկվել էր նաև ՀՀ անվտանգության խորհրդի քարտուղար Ա․ Գրիգորյանին։

 

ՀՔԱ Վանաձորի գրասենյակը այս ծրագիրը կազմել է փորձագետ Դավիթ Խաչատուրյանի ներգրավմամբ։ Նպատակն է վերհանել ոստիկանության կազմակերպման և գործունեության նկատմամբ հասարակական և պետական հսկողության/վերահսկողության՝ Հայաստանի Հանրապետությունում առկա՝ օրենսդրորեն, ինչպես նաև կայուն հաստատված դատական և վարչարարական պրակտիկայով ամրագրված մեխանիզմները՝ Հայաստանի Հանրապետության ստանձնած միջազգային պարտավորությունների տեսանկյունից։ Զեկույցը ներառում է ինչպես վերլուծություն, այնպես էլ դրա արդյունքում մշակված օրենսդրական առաջարկությունների փաթեթ։

 

2019 թ․ մայիսի 17-ին ՀՔԱ Վանաձորի գրասենյակի զեկույցին արձագանքել էր ՀՀ ոստիկանության շտաբի պետ Ա․ Ղուկասյանը։ Նա ՀՀ ոստիկանության անունից շնորհակալություն էր հայտնել խորը և համապարփակ վերլուծության  համար և պատրաստակամություն էր հայտնել՝ ներկայացված առաջարկությունները կյանքի կոչելու ուղղությամբ համատեղ քննարկում կազմակերպելու։ Մյուս կառույցներից որևէ արձագանք չենք ստացել։

 

ՀՀ ոստիկանությունն էլ ՀՔԱ Վանաձորի գրասենյակի՝ քննարկումը կազմակերպելու հետագա գործողություններն անարձագանք թողեց։ Պատասխանատու աշխատակիցների հետ հեռախոսազրույցի արդյունքում պարզվեց, որ քննարկումը կազմակերպելու համար կրկին պետք է գրությամբ դիմել ՀՀ ոստիկանապետին։ Քննարկումը կազմակերպելու և ՀՀ ոստիկանության գրավոր դիտարկումները ստանալու մասին ՀՔԱ Վանաձորի գրասենյակի՝ 2019 թ․ մայիսի 30-ի գրությունը ՀՀ ոստիկանությունն անպատասխան թողեց։

 

Պետական կառույցներից ակնկալվող արձագանքները չստանալուց հետո զեկույցը հրապարկում ենք՝ առանց նրանց դիրքորոշումներն ստանալու։

 

Այս տարվա հուլիսին էլ ՀՀ ոստիկանությունը շրջանառության մեջ է դրել ՀՀ ոստիկանության զարգացման հայեցակարգն ու  դրան հավանություն տալու ՀՀ Կառավարության որոշման նախագիծը։

 

ՀՔԱ Վանաձորի գրասենյակը ներկայացնում է նաև այդ հայեցակարգի վերաբերյալ կարծիք։ ՀՔԱ Վանաձորի գրասենյակը որոշ ուղղությունների մասով դրական է գնահատել հայեցակարգը, բայց և առաջարկել է հայեցակարգում ներառել կարևոր խնդիրների վերաբերող մի շարք ուղղություններ։

 

views: 235

Leave a Reply

Your email address will not be published. Required fields are marked *

Feedback

Select the relevant connection

Customize text view

Current Announcements


  • Font size
    A A A
  • Font
    arial verdana tahoma
  • Thickness
    regular light bold
  • Spacing
    1px 2px 3px
  • Color scheme
    Black on a white background White on a black background
  • Background color
  • Text color